«KEGOC» kompanııasy SPO-ǵa shyǵarylady

ASTANA. QazAqparat – Jekeshelendirýdiń keshendi josparyn iske asyrý aıasynda 368 nysan básekeles ortaǵa berildi. Bul týraly eldiń áleýmettik-ekonomıkalyq máseleleri jónindegi keńeıtilgen keńeste Úkimet basshysy Álıhan Smaıylov aıtty, dep habarlaıdy QazAqparat tilshisi.

«Sonymen qatar, Jekeshelendirýdiń keshendi josparyn iske asyrý aıasynda 368 nysan básekeles ortaǵa berildi, 62-si taratylý nemese qaıta qurý satysynda», - dedi Álıhan Smaıylov.

Onyń aıtýynsha, bıyl taǵy 106 nysan satýǵa qoıylady jáne «KEGOC» kompanııasy SPO-ǵa shyǵarylady (aktsııalardy qaıtalama ornalastyrý).

Úkimet basshysy kásipkerlik salasynda tsıfrlandyrýdy engizý qarqyndy jalǵasatynyn aıtty. Sonymen qatar, jańa Bıýdjet jáne Salyq kodeksteriniń jobalaryn ázirleý boıynsha belsendi jumys júrgizilip jatyr.