KEGOC: Elektromonterler kásibı sheberlikterin shyńdady
Otandyq elektr energetıkasy salasyndaǵy basty kompanııa – «Elektr jelilerin basqarý jónindegi Qazaqstan kompanııasy «KEGOC» aktsıonerlik qoǵamynda qazannyń 2-5 kúnderi aralyǵynda elektr monterlerdiń kásibı sheberligin shyńdaıtyn baıqaý ótkizildi.
Baıqaýdy ótkizý úshin «KEGOC» AQ-ǵa qarasty «Almaty JET» fılıalynyń 500 kV «Almaty» qosalqy stantsııasynyń janyndaǵy oqý-jattyǵý polıgony tańdap alyndy. Bıiktigi 42 metrge deıin baratyn baǵandarǵa tartylǵan áýe elektr jetkizý jelilerine qyzmet kórsetý boıynsha sheberlikterin shyńdaýǵa kompanııanyń óńirlerdegi fılıaldarynan jasaqtalǵan 9 elektr monterler brıgadasy qatysty.
- Bıylǵy baıqaýdyń eki ózgesheligin atap ótkim keledi. Birinshisi, qarsylas 9 komandanyń da daıyndyqtary óte joǵary deńgeıde boldy. Ekinshiden, baıqaýdyń jalpy júlde qory 11 100 000 myń teńgeni qurady, ıaǵnı bul burynǵy baıqaýlarǵa qaraǵanda 4 esege ósti. Shyn máninde, elektr monterlerdiń jumysy kózsiz batyrlyq pen asqan júrektikti talap etedi. Halyqty senimdi elektrmen qamtamasyz etýde mańyzdy ról atqaratyn energetık mamandarymyz budan da joǵary marapattarǵa laıyq dep esepteımin. Sebebi, 42 metrlik bıiktikte tilsiz jaýmen jumys jasaıtyn elektr monterlerdi búgingi zamannyń batyrlary dep aıtar edim, - deıdi «KEGOC» AQ Basqarma tóraǵasynyń orynbasary Baqythan Jazyqbaev.
Jarys barysynda komandalar alty kezeńnen turatyn synaqtan ótti. Atap aıtqanda, normatıvtik-tehnıkalyq qujattardy bilý deńgeıi jáne teorııalyq daıyndyq, zardap shekken tulǵany (manekendi) elektr toǵynyń áserinen bosatý, ony 220 kV áýe jelisiniń tireginen túsirý jáne dárigerge deıingi medıtsınalyq kómek kórsetý daǵdylary, túrli markaly aqaýy bar shyny oqshaýlaǵyshtardy aýystyrý kezindegi sheberlik, tirek aralyqtaryndaǵy kergilerdiń qashyqtyqtan basqarylatyn aqaýy bar kergilerdi aýystyrý daǵdylary, sonymen qatar arnaıy quraldardy qoldana otyryp, 220 kV áýe jelisiniń ankerlik metall tireginiń sym shleıfin jalǵaý daǵdylary.
- Atalmysh kásibı baıqaý elimizde sońǵy ret 2019 jyly ótkizilgen bolatyn. Sodan bergi tórt jylda elektr monterlerdiń kásibı deńgeıleriniń edáýir artqany baıqalady. Sebebi, komandalar arasyndaǵy upaı sandarynda aıtarlyqtaı aıyrmashylyqtar bolǵan joq. ıAǵnı, komandalar ózara upaı jaǵynan ıyq tirestirip otyrdy. Bul elektr monterlerdiń joǵary biliktilik deńgeıi men úlken daıyndyǵyn kórsetedi, - deıdi baıqaýdyń uıymdastyrý jumystaryna bastan-aıaq qatysqan «Almaty JET» fılıalynyń Elektr jetkizý qyzmetiniń bastyǵy Bekjan Raýaıanov.
Tórt kúnge jalǵasqan kásibı jarystyń qorytyndysy boıynsha júldeli І oryndy «Aqmola JET» fılıalynyń komandasy jeńip aldy. Al ІІ oryndy «Soltústik JET» fılıalynyń elektr monterleri ıelense, ІІІ oryndy – «Shyǵys JET» jáne «Ońtústik JET» fılıaldarynyń komandalary ózara bólisti.
Sondaı-aq, jekelegen atalymdar boıynsha Nurjan Qýatov, «Aqtóbe JET» fılıalynyń qyzmetkeri – «Úzdik sheber», Aıanbek Qabıev «Batys JET» fılıalynyń qyzmetkeri – «Úzdik elektr monter», Murat Barmaqov, «Sarybaı JET» fılıalynyń qyzmetkeri – «Eńbek maıtalmany» jáne Dıdar Maıjaqanov «Ortalyq JET» fılıalynyń qyzmetkeri – «Úzdik ruqsat berýshi» atandy. Al, «Qaýipsizdik tehnıkasy bilimi boıynsha úzdik fılıal» komandalyq atalymy «Almaty JET» fılıalynyń komandasyna berildi.
Mundaı kásibı jarystar óndiristik personaldyń sheberligi men daıyndyǵyn baǵalaý úshin ǵana emes, sonymen qatar óńirlik fılıaldardaǵy energetıkterdiń iskerı baılanys ornatyp, ózara tájirıbe almasýyna múmkindik beredi.
Jeńimpaz atanǵan «Aqmola JET» komandasy bıyl TMD elektrjelilik kompanııalary arasynda ótetin halyqaralyq kásibı sheberlikty shyńdaý birinshiliginde Qazaqstan Respýblıkasynyń abyroıyn qorǵaıtyn bolady.
