KEGOC BAQ qyzmetkerleri arasynda ótken baıqaýdyń qorytyndysyn shyǵardy
ASTANA. Qańtardyń 2-si. QazAqparat - «Ulttyq baspasóz klýby» «KEGOC elektr jelilerin basqarý jónindegi Qazaqstan kompanııasy» AQ-nyń buqaralyq aqparat quraldary qyzmetkerleri arasynda ótkizgen dástúrli shyǵarmashylyq baıqaýynyń qorytyndysyn jarııalady.
2003 jyldan bastap turaqty ótip kele jatqan baıqaýdyń maqsaty - elektr-energetıkalyq salanyń damý máselerine BAQ-tyń kóńil aýdarýyn yntalandyrý jáne qoldaý, sonymen qatar aǵymdyq jáne perspektıvaly ınvestıtsııalyq jobalar týraly materıaldardyń sapasyn joǵarlatý.
Baıqaýdyń taqyryby men talaptaryna sáıkes jarııalanǵan materıaldardyń ózektiligi jáne kásibıligin esepke alǵan komıssııa 2009 jyldyń qorytyndysy boıynsha 10 atalymdy anyqtady.
Úzdik tanylǵan basylymdar mynalar:
- 1) «Aqparattyq naızaǵaı» atalymy - «Interfaks-Qazaqstan» aqparattyq agenttiginiń redaktsııasy;
- 2) «Jyldyń aqparattyq alańy» atalymy - QazTAG halyqaralyq aqparattyq agenttigi;
- 3) «Elektr-energetıkalyq salanyń aqparattyq seriktesi» atalymy - «Kazahstanskaıa pravda» respýblıkalyq gazetiniń ujymy;
- 4) «Eń ózekti materıaldar» atalymy - «QazAqparat» UK» AQ;
- 5) «Jedeldigi úshin» atalymy - «Era» telekompanııasy» JShS 7-shi arnasynyń aqparattyq baǵdarlamalar dırektsııasy;
- 6) «Naqty kózqaras» atalymy - «Bıznes ı Vlast» iskerlik basylymy;
- 7) «Úzdik teledıdarlyq reportaj» atalymy - Roza Dosymova, «Mır» MTRK qazaqstandyq fılıalynyń tilshisi, Astana q.;
- 8) «Teledıdarda daǵdarysqa qarsy jobalardy taratý» atalymy - «Vek» prodıýserlik ortalyǵy, «Habar» telearnasyndaǵy «Proryv» baǵdarlamalar toptamasy úshin;
- 9) «Elektr-energetıkalyq salanyń aqparattyq seriktesi» atalymy - «Qazaqstan» UTK» AQ;
- 10) «Naqty kózqarasy» atalymy - «Habar» AQ aqparattyq baǵdarlamalar dırektsııasy jáne telearna tilshisi Irına Lı.
Ár atalym boıynsha aqshalaı syıaqy kólemi 100 000 (júz myń) teńgeni quraıdy.
