«KEGOC» Almatyda bolǵan elektr energııasynyń aýqymdy óshýine kinálilerdi jumystan shyǵardy
ASTANA. 9 qazan. QazAqparat - «KEGOC» elektr jelilerin basqarý jónindegi Qazaqstan kompanııasy» 24 qyrkúıek kúni Almaty qalasynda elektr energııasynyń aýqymdy kólemde óship qalýyna kinálilerdi jaýapqa tartty.
Bul jaıynda búgin selektorlyq rejımdegi Úkimet otyrysynda kompanııa basshysy Baqytjan Qajıev málim etti.
Onyń sózine qaraǵanda, júıedegi qysqa tuıyqtalýdyń saldarynan 500 kıllovolttyq qosalqy stansadan taralatyn jelilerdiń óshýi bolǵan. Onyń óshýine adamı faktor sebep boldy. ıAǵnı, personaldyń qatelik is-qımyldary yqpal etti.
Onyń aıtýynsha, tekserý nátıjesinde qatań sharalar qabyldandy. Atap aıtqanda, bul oqıǵaǵa baılanysty tikeleı kinási barlar qyzmetten bosatyldy. Sondaı-aq, Almaty qalasynyń óńirlik dıspetcherlik ortalyǵynyń basshysy da jumystan shyǵaryldy. Buǵan qosa, óndiris boıynsha vıtse-prezıdentten bastap, jylý elektr ortalyǵynyń jáne fılıaldarynyń barlyq basshylyǵyna qatysty qatań sharalar qabyldanbaq.
