KEGOC aktsııalary AIX-te saýdalana bastady
Astana International Exchange («AIX», «Bırja») Qazaqstandaǵy elektr jelilerin basqaratyn «KEGOC» AQ («KEGOC») kompanııasynyń AIX resmı tizimine engenin habarlady. Kompanııa aktsııalary «KEGC» tıkerimen saýdalanady jáne teńgemen esep aıyrylysady, dep habarlaıdy Kazinform Astana halyqaralyq qarjy ortalyǵynyń resmı saıtyna silteme jasap.
Saıttaǵy málimetterge qaraǵanda, AIX alańynda SPO-ǵa Tabys qosymshasyndaǵy tikeleı jazylym fýnktsııasy men jergilikti bankterdiń qosymshalary arqyly 2,2 mlrd teńgege ótinim tústi, bul jalpy ótinimderdiń 54% quraıdy.
AIX basqarma tóraǵasy Ásel Muqajanovanyń aıtýynsha, KEGOC - ishki naryqqa arnalǵan dıvıdendtik qundy qaǵaz. Qazaqstandyq ınvestorlar arasynda oǵan degen suranys óte joǵary. Sebebi - ınfraqurylymdyq kompanııalar turaqty, olarǵa syrtqy ekonomıkalyq faktorlardyń áseri shamaly. Qazaqstan azamattary úshin bul SPO – ulttyq elektr jelilileri operatorynyń aktsıoneri bolýǵa taptyrmas múmkindik.
«Biz jeke ınvestorlarǵa ulttyq kompanııalardyń jekeshelendirilýine qatysýdyń eń ońaı tásilin usyndyq, ol - Tabys qosymshasy jáne banktermen onlaın ıntegratsııa. SPO KEGOC kezinde jeke ınvestorlardan 2,2 mlrd teńgege 11 myń ótinim kelip tústi».
