«KEGOC» aktsııalary «Halyqtyq IPO-ǵa» jyldyń sońyna deıin ornalastyrylady

ASTANA. 24 mamyr. QazAqparat - «Halyqtyq IPO» baǵdarlamasy aıasynda aǵymdaǵy jyldyń sońyna deıin «KEGOC» AQ aktsııalary ornalastyrylatyn bolady. Bul týraly www.halyk-ipo.kz portalyna QR Premer-Mınıstriniń orynbasary Qaırat Kelimbetov málim etti.

«Bári oıdaǵydaı júrip jatyr, josparlar bekitilgen, eshqandaı da ózgerister joq. «KEGOC» osy jyly ornalastyrylatyn bolady. Men naqty qashan ekenin aıta almaımyn, alaıda ol jyl sońyna deıin bolady», - dedi ol beısenbi, 23 mamyrda, VI Astana ekonomıkalyq forýmynda.

Q. Kelimbetovtiń aıtýynsha, «Halyqtyq IPO» tizimindegi ózge memlekettik kompanııalar da qor naryǵyna josparǵa sáıkes shyǵarylady.