«KEGOC» AQ-nyń ótken jylǵy tabysy 64,8 mlrd. teńgeni qurady

Bul týraly búgin elordada atalǵan kompanııanyń basqarma tóraǵasy Baqytjan Qajıev málim etti.

«Ótken jyly kompanııanyń tabysy 64,8 mlrd. teńgeni, onyń ishinde negizgi qyzmetten túsken tabys 54,8 mlrd. teńgeni qurady. 2010 jylmen salystyrǵanda tabys 29 paıyzǵa nemese 14,7 mlrd. teńgege artty, onyń ishinde negizgi qyzmetten túsken tabys 23 paıyzǵa ulǵaıyp, 10,4 mlrd. teńgege jetti», - dedi B.Qajıev.

Onyń atap ótýinshe, kompanııa tabysynyń ósýi negizinen kórsetiletin qyzmetter kóleminiń ulǵaıýyna jáne Reseı Federatsııasynan elektr energııasy tranzıtiniń artýynan oryn alǵan. Máselen, aǵymdaǵy jyly Reseı elektr energııasy tranzıtiniń kólemi 2,3 mlrd. teńgege artyp, 5 mlrd. teńgeni quraǵan. Al basqa da kompanııanyń tabystary 10 mlrd. teńgeden asyp jyǵylady. Bul rettegi ósim 74 paıyzǵa nemese 4,3 mlrd. teńgege teń.

«2011 jylǵy kompanııanyń shyǵystary 54,2 mlrd. teńgeni qurady. Bul 2010 jylǵy kórsetkishten 13,2 mlrd. teńgege artyq. Ótken jyldyń qorytyndysy boıynsha kompanııa 4,6 mlrd. teńge kóleminde  tarıhı rekordtyq tabys aldy. Bul ótken kezeńdegi kórsetkishten 1,850 mlrd. teńgege joǵary. Jumys qorytyndysy boıynsha kompanııa 2012 jyly jalǵyz aktsıoneri «Samuryq-Qazyna» qoryna dıvıdentter túrinde 1,147 mlrd. teńge tóleýdi boljap otyr», - dedi ol.