KEGOC» AQ-nyń qatarlas jumys isteý tártibiniń saqtalýy jónindegi talaptary «Ózbekenergo» MAK tarapynan nazardan tys qalyp keledi
ASTANA. 7 qazan. QazAqparat - Qazirgi tańda Qazaqstan BEJ Reseı Federatsııasy BEJ men Ortalyq Azııa EJB qatarlas jumys istep keledi.
Al Ózbekstan energııa júıesiniń turaqsyz jumysy jáne qýattyń josparsyz suryptalýy apatqa qarsy avtomatıkalardyń iske qosylýyna jáne Qazaqstannyń ońtústik aımaqtaryndaǵy tutynýshylardyń ajyratylýyna ákep soqtyrdy. Osynyń saldarynan ótken kúzgi-qysqy maýsymdarda «Qazaqstannyń Soltústik - Ońtústik» tasymalynda 4 márte ajyratý oryn alyp, 1300 márte apatqa qarsy avtomatıka iske qosyldy. Atalǵan jaǵdaı Qazaqtan BEJ-niń Reseı Federatsııasy energııa júıesimen qatarlas jumys isteý tártibine keri áser etýde, dep habarlady «KEGOC» AQ baspasóz qyzmetinen.
Budan bólek, osy ýaqytqa deıin kelisim qatynastary jáne «Ózbekenergo» MAK tarapynan aǵymdaǵy jyldyń basynan bastap alynǵan qyzmetter men elektr energııa qaryzdaryn qaıtarý máseleleri rettelmegen. Sonymen, qýatty retteý (aǵymdaǵy jyldyń basynan bastap 10 mıllıonnan artyq AQSh dollary somasyna jetetin 2500 MVt kóleminde) kelisimine qol qoıylmaǵan jáne osy jyldyń qysqy maýsymynda Qazaqstan BEJ-nen jospardan tys alynǵan 7 mln. AQSh dollary somasyndaǵy energııa aqysy tólenbegen.
«KEGOC» AQ-nyń qatarlas jumys isteý tártibiniń saqtalýy jónindegi birneshe márte talaptary «Ózbekenergo» MAK tarapynan nazardan tys qalyp keledi. Aldaǵy kúzgi-qysqy maýsymdarynyń túsýine baılanysty ózbek energııa júıesimen turaqsyz jumys apattardyń týyndaý qaýpin kóbeıtedi.
Tutynýshylardy elektrmen jabdyqtaý senimdiligin qamtamasyz etý úshin «KEGOC» AQ Qazaqstan Respýblıkasynyń Úkimetine Ózbekstan energııa júıesimen jekelegen jumystarǵa ótý jáne Reseı Federatsııasy men Qyrǵyz Respýblıkasynyń energııa júıelerimen qatarlas jumysynyń saqtalýy jóninde usynystar engizedi.
