«KEGOC» AQ-nyń 2012 jylǵy kiristeri 71 mlrd. teńgeden asty
Bul týraly búgin baspasóz máslıhatynda «Samuryq-Qazyna» AQ Basqarma tóraǵasy Ómirzaq Shókeev aıtty.
«Elektr jelilerin basqarý jónindegi Qazaqstan kompanııasy» («KEGOC») AQ Qazaqstan Respýblıkasynyń birtutas elektr júıesiniń júıelik operatory bolyp tabylady. Onyń negizgi qyzmetine Qazaqstannyń ulttyq elektr jelisi boıynsha elektr qýatyn taratý, elektr qýatyn jelige jiberýdi jáne tutynýdy tehnıkalyq dıspetcherleý, sonymen qatar elektr qýatyn óndirý-tutynýdy teńgerýdi uıymdastyrý sııaqty operatsııalar jatady», - dep atap ótti Ó. Shókeev.
Onyń aıtýynsha, kompanııanyń jarǵylyq kapıtaly - 106,8 mlrd. teńge. Aldyn ala qarjylyq kórsetkishteri boıynsha 2012 jylǵy kiristeri 71 647 mln. teńgeni qurady, al taza tabysy 6 941 mln. teńge.
Sondaı-aq qazirgi ýaqytta «KEGOC» AQ Qazaqstannyń Ulttyq elektr jelisin damytý boıynsha 97 mlrd. teńge kóleminde jobalardy iske asyrýda.
