«KEGOC» AQ Qazaqstannyń eń tıimdi ulttyq kompanııalarynyń biri retinde tanyldy
ASTANA. QazAqparat - Búgin «Elektr jelilerin basqarý jónindegi Qazaqstan kompanııasy» «Reıtıng.kz» zertteý agenttigi júrgizgen saraptamalyq saýalnama nátıjeleri boıynsha Qazaqstannyń eń tıimdi ulttyq kompanııalary arasynda 2014 jyldyń 9 aıyndaǵy kórsetkishteri úshin ekinshi orynǵa ıe boldy.
Saýalnama ulttyq kompanııalardyń 2014 jylǵy 9 aıdaǵy jumys sapasyna neǵurlym ádil baǵa berý maqsatynda bıznes salasy, úkimettik emes uıymdar men taldaý jasaıtyn qoǵamdastyq ókilderinen quralǵan 60 sarapshy arasynda ótkizildi. Baǵalaý damý baǵdarlamasy men jekelegen salalyq jobalardy júzege asyrýdaǵy jetistikterdi, sońǵy tutynýshylarmen jumys júrgizý sapasyn, ekonomıkalyq damý bolashaǵyn, úzdik jobalardy, áleýmettik baǵdarlamalar men jobalardyń júzege asyrylýyn jáne t.b. qamtıtyn 10 ólshem boıynsha júrgizildi.
Zertteý nátıjeleri ortasha baldy eseptep shyǵarý tásilimen deskrıptıvtik statıstıkalardy qoldaný arqyly SPSS ámbebap statıstıkalyq baǵdarlamasynyń kómegimen óńdeldi. Jalpy reıtıngtik kórsetkishterdi esepteý úshin zertteý nátıjelerine arıfmetıkalyq amaldar qoldanyldy. Bul rásim «tarazy» qoldaný arqyly ortasha arıfmetıkalyq baldardy qosý jáne shyǵarý tásilimen ótkizildi, dep habarlaıdy kegoc.kz.
