«KEGOC» AQ qarjyny sheteldik valıýtada alýdan bas tartady

ASTANA. QazAqparat - Bıyl «KEGOC» AQ qarjyny sheteldik valıýtada alýdan bas tartady. Bul týraly búgin Ortalyq kommýnıkatsııalar qyzmetindegi brıfıngte atalǵan kompanııanyń basqarma tóraǵasy Baqytjan Qajıev málim etti.

«Nurly jol» baǵdarlamasy aıasynda jobalardy júzege asyrý úshin jeke qarjymyzdy paıdalanamyz. Sonymen qatar qarjyny shetten alatyn bolsaq, ony tek teńge túrinde ǵana tartamyz dep qarastyryp otyrmyz»,- dedi Qajıev.

Onyń sózine qaraǵanda, búginde kompanııanyń valıýtalyq qaryzy 580 mln. dollardy qurap otyr.

«Bizde valıýtalyq qaryz bar jáne valıýtanyń ınvertırin tek qaryzdardy jabýǵa paıdalanýdamyz. Búginde «KEGOC» AQ-da sheteldik valıýtadaǵy zaımdary shamamen 580 mln. teńge kóleminde qaldy. Sonymen birge bolyp jatqan konversııa spekýlıatıvti mánge ıe emes. Biz zaımdardy jabý úshin ǵana qajetti valıýtany konventırden ótkizýdemiz», - dedi ol.

Osy oraıda «KEGOC» basshysy búginde kompanııa júrgizip jatqan qyzmetterdiń barlyǵy úshin aqyny teńge túrinde alyp jatqandyǵyn naqtylap ótti.

Belgili bolǵandaı, ótken jyly kompanııa 8,6 mlrd. teńge kóleminde taza tabysqa qol jetkizgen eken.