«KEGOC» AQ dırektorlar keńesiniń tóraǵasy bolyp Qýanysh Bektemirov saılandy

ASTANA. QazAqparat - «KEGOC» AQ aktsıonerleri jyldyq jalpy jınalysynda kompanııa dırektorlar keńesiniń tóraǵasy bolyp Qýanysh Bektemirov saılandy.

Bul týraly jalpy otyrys qorytyndylary arnalǵan baspasóz-máslıhatynda «KEGOC» AQ basqarma basshysy Baqytjan Qajıev aıtty.

Sonymen qatar, dırektorlar keńesiniń 6 adamnan turatyn quramy da bekitildi. Kompanııa dırektorlar keńesiniń ókilettigi 3 jylǵa sozylady.

Aıta keteıik, Q. Bektemirov 1970 jyly Almaty oblysynda týylǵan. Túrli kezeńderde «Astanaenergosbyt» JShS bas dırektory, Ońtústik Qazaqstan oblysy Energetıka jáne kommýnaldyq sharýashylyq basqarmasynyń basshysy, «Qazgıdromet» RMM bas dırektorynyń birinshi orynbasary qyzmetterin atqarǵan.