Kegende 53 bas mal qarasan jáne pasterellezden qyrylǵan - ákimdik
Kegen aýdany ákiminiń baspasóz qyzmetiniń aqparatyna sáıkes, shetinen qyrylyp jatqan mal Bóleksaz aýylyndaǵy jeke sharýashylyqqa tıesili. Ákimdik qazir bul sharýa qojalyǵy karantınge jabylǵanyn, ondaǵy myń basqa egý jumystary júrgizilgenin jetkizdi.
«Oblystyq zerthananyń qorytyndysy boıynsha qarasan, pasterellez aýrýyna oń nátıje kórsetti. Osy ýaqytqa deıin 19 bas qarasan aýrýynan óldi. Al aldyndaǵy bizge habarlamaı ólgen 34 mal basy veterınarlyq mamandardyń qatysýymen Bóleksaz aýylyndaǵy mal óleksesi tastalynatyn jerge tastaldy», - dedi Kegen aýdandyq veterınarııa stantsııasynyń dırektory Qabyl Tókenov.
Al aýyl turǵyndary ólekselerdiń kózin joıý durys júrgizilmedi deıdi.
«Myna aýyldyń aınalasyndaǵy búkil sý, qardyń sýy osylardyń qojalyǵy arqyly ótedi. Mynalar týra sý aǵatyn jerge salǵan. Bulardyń qıdyń astyna jasyrǵan maldyń óleksesinen aýrý shyǵyp jatyr. Qashanyń astynan sý shyǵyp jatyr, kún jylynǵanda ol ózenge qosylady. Búkil mal ol jerden sý ishedi. Maldyń sútin biz ishemiz. Myna aýylda basqa aýrý shyǵady endi. Biz Qazaqstanǵa jańa aýrý túrin alyp kelemiz be dep qorqyp turmyz», deıdi Bóleksaz aýylynyń turǵyndary.
Sol sebepti turǵyndar qojalyq aýyldan kóshirilsin dep talaptaryn qoıýda.
