«Kegen – Narynqol» avtojolynyń 20-shaqyrymynda qozǵalys ashyldy
ASTANA. KAZINFORM – «QazAvtoJol» mekemesi «Kegen – Narynqol» avtojolynyń 20-shaqyrymynda qozǵalys ashylǵanyn málimdedi.
Kásiporyn taratqan málimetterge qaraǵanda, 2026 jylǵy 3 sáýirde kúnniń kúrt jylynýy men taýdaǵy erigen qar sýlary kóleminiń artýyna baılanysty respýblıkalyq mańyzy bar «Kegen – Narynqol» avtomobıl jolynyń 20-shaqyrymyndaǵy sý ótkizgish qubyr zaqymdanyp, jol tósemin sý shaıyp ketken bolatyn.
Oqıǵa bolǵan sátten bastap, «Kegen – Narynqol» avtojolynyń 0-74 shaqyrym aralyǵyndaǵy ortasha jóndeý jumystary aıasynda, qalpyna keltirý sharalary uıymdastyrylyp, arnaıy tehnıkalar men mamandar jumyldyryldy.
Qurylys jumystarymen birge jobalaý jumystary da qatar júrgizildi. Jumys barysynda burynǵy dıametri 1,5 metrlik sý ótkizgish qubyrdyń ornyna sý ótkizý qabileti joǵary 2x2 metrlik tıýbıng ornatyldy.
-Sondaı-aq, jer tósemi qalpyna keltirilip, jol jamylǵysy qaıta tóseldi jáne eńis bólikterdi nyǵaıtý jumystary júrgizildi. Qazirgi ýaqytta kólik qozǵalysy negizgi jolmen qalypty rejımde júzege asyrylyp jatyr. Ortasha jóndeý jumystary jalǵasyp jatyr, -delingen habarlamada.
Osyǵan deıin Shymkent aınalma jolyndaǵy beton jabyndysynan aqaý anyqtalǵany týraly jazdyq.
