«Kegen – Narynqol» avtojolynda sý qubyry jaryldy
ASTANA. KAZINFORM – Búgin, 3 sáýir saǵat 11:30 shamasynda respýblıkalyq mańyzy bar «Kegen – Narynqol» avtomobıl jolynyń 20-shaqyrymynda erigen sýlardy ótkizý kezinde qoldanystaǵy sý ótkizý qubyrynyń zaqymdanýy jáne jol tóseminiń shaıylýy tirkeldi.
Atalǵan ýchaske buǵan deıin sý tasqyny qaýpi bar aımaqtar qataryna jatpaǵan. Qazirgi ýaqytta bul jol bóligi ortasha jóndeý jumystarynyń júrgizilýine baılanysty merdiger uıymnyń qaraýynda.
QazAvtoJol málimetinshe, osy oqıǵaǵa baılanysty qozǵalys ýaqytsha shektelip, kólik qatynasy qıyrshyqtasty jol arqyly uıymdastyryldy. Jaǵdaı tıisti qyzmetterdiń turaqty baqylaýynda. Qazirgi ýaqytta shamamen 20 birlik arnaıy tehnıka jumyldyrylǵan.
Jaqyn arada qıyrshyqtas tósemi bar ýaqytsha aınalma jol salý josparlanyp otyr.
Sý ótkizý qubyry men jol tósemin qalpyna keltirý jumystary erigen sýdyń ótýi tolyq aıaqtalǵannan keıin bastalady.
Atalǵan ýchaskedegi qozǵalys qarqyndylyǵy táýligine shamamen 500 avtokólik.
Jol 1960–1970 jyldary salynǵan.
Aıta keteıik, Óskemende sý qubyrynyń tesilýinen turǵyn úılerdiń qabyrǵalary jarylyp jatyr.
