Kedeıshilik sanany jańǵyrtýǵa kedergi jasaıdy - Erlan Saıyrov
ASTANA. QazAqparat - Adamnyń ózi kedeıshilikten shyǵýǵa tyryspasa, sanany jańǵyrtý sharalary iske aspaı qalady. Al memlekettiń shyǵyndary artady, dep xabarlaıdy QazAqparat tilshisi.
"Prınston ýnıversıtetiniń psıxology Eldar Shaffer óziniń "Defıtsıt" atty kitabynda kedeı adamdardyń óz-ózine kómektese almaýynyń sebebin dál kórsetti. Negizi másele mynada, turmysy tómen adamdar "toneldik" oılaýdyń qurbanyna aınalady. Dál osyndaı oılaýdyń saldarynan ómirde batyl sheshimder qabyldanbaıdy. Kedeı adam erteńgi nanyn taýyp, qysqa merzimdi josparyn jasaı alady. Sóıtip, "kúni ótkenniń kúni artyq" dep júredi. Alaıda uzaq merzimdi josparlardy qura almaıdy. Qosymsha bilim alýdy, kásibı biliktiligin aýystyrýdy da oılamaıdy. Sodan jańa jumysty da izdemeıdi. Osylaısha, jan saqtaýdyń qamymen júredi. Artynan nesıe alady da, óz jaǵdaıyn qıyndatyp jiberedi", - dedi saıasattanýshy Saıyrov búgin sanany jańǵyrý taqyrybyna arnalǵan Kásipodaqtar federatsııasynyń respýblıkalyq forýmynda.
Onyń aıtýynsha, búginde kez kelgen memlekette kedeıshilikpen kúres sharalaryna qyrýar qarjy ketedi. Máselen, AQSh-tyń ózinde 2013 jylǵa deıin balalar arasyndaǵy kedeıshilikpen kúres sharalaryna 500 mlrd dollardan astam aqsha jumsady. Alaıda júıeli jumystyń arqasynda atalǵan shyǵyndardy úsh esege qysqartýǵa bolatyn edi.
