Kedeılik jas demokratııany tuqyrtpaýy úshin biz aldymen ekonomıkany damyttyq - Elbasy
ASTANA. 1 jeltoqsan. QazAqparat /Qanat Mámetqazyuly/ - Kedeılik jas demokratııany tuqyrtpaýy úshin biz aldymen ekonomıkany damyttyq.
Búgin Astanada EQYU Sammıtiniń plenarlyq otyrysynda sóz sóılegen QR Prezıdenti Nursultan Nazarbaev osylaı málim etti.
«Qazaqstannyń turaqtylyǵy - bul eń aldymen eldiń turaqty damýy. Biz kedeıliktiń jas demokratııany tuqyrtpaýy úshin aldymen ekonomıkany damytýdy qolǵa aldyq. Sonymen qatar, qazaqstandyq qaýymdastyqtyń berik irgetasy barlyq 140 etnos pen 46 dinı konfessııalardyń toleranttyǵy men beıbit ómiri, ózara kelisimde tirshilik keshýi boldy. Biz biregeı ınstıtýt - Qazaqstan halqy Assambleıasyn qurdyq. Sonymen qatar, biz Batys qundylyqtary men Shyǵys dástúrlerin úılestire aldyq», - dedi Elbasy N. Nazarbaev.
Prezıdenttiń aıtýynsha, Qazaqstan halqy óz tarıhynda «qyrǵıqabaq soǵystyń» zardabyn tartty. «Bul eń aldymen qasiretti Semeı ıadrolyq polıgony bolyp tabylady. Meniń polıgondy jabý jáne ıadrolyq qarýdan bas tartý týraly Jarlyǵym jalpyeýropalyq úderiske Qazaqstannyń qosqan bastapqy úlesi boldy», - dedi N. Nazarbaev.
