Kedeılik shegi endi medıandyq tabys deńgeıi arqyly anyqtalady – Tamara Dúısenova

ASTANA. QazAqparat – Qazaqstanda kedeılik shegi medıandyq tabys deńgeıi arqyly anyqtalady.

Bul týraly Senatta Áleýmettik kodekstiń jobasyn tanystyrý kezinde QR Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy QazAqparat tilshisi.

Kodekstiń kelesi jańalyǵy – memlekettik qoldaýdyń jańa paradıgmasy. Ol aldymen áleýmettik táýekelderdiń aldyn alý úshin ataýly sharalardy, sodan keıin ǵana áleýmettik táýekelderdiń saldarymen kúresýge baǵyttalǵan ataýly kómekti kózdeıdi.

Bul rette Áleýmettik kodekste balalary bar otbasylardy áleýmettik qoldaýdyń qosymsha sharalary kózdelgen: bala kútimi boıynsha tólemderdiń merzimin 1,5 jasqa deıin uzartý (500 myńnan astam anany qamtıdy); Ulttyq qordyń ınvestıtsııalyq tabysynyń 50%-yn 18 jasqa deıingi balalarǵa arnalǵan bastapqy kapıtal retinde engizý (6 mln-nan astam balany qamtıdy); 6-dan kóp balany dúnıege alyp kelgen analarǵa nagradtalǵan ana degen jańa mártebe qaralyp, járdemaqy mólsherin ulǵaıtý (250 myńnan astam anany qamtıdy).

«Taǵy bir mańyzdy ózgeris – 2025 jyldan bastap ataýly áleýmettik kómek taǵaıyndaý úshin kedeılik shegi eń tómengi kúnkóris deńgeıiniń ornyna medıandyq tabys deńgeıi arqyly anyqtalady. Bul rette Ekonomıkalyq yntymaqtastyq jáne damý uıymynyń tájirıbesi zerdelendi. Osy uıymǵa kiretin 8 memleket osy tásildi paıdalanyp keledi», – dedi Tamara Dúısenova.

Budan buryn habarlanǵandaı, mınıstr Otbasynyń tsıfrlyq kartasy jaıynda túsindirdi.