Kedeılik deńgeıi 1996 jyldan bastap 11,2 ese tómendedi - QR Statıstıka agenttigi
ASTANA. 14 jeltoqsan. QazAqparat - Kedeılik deńgeıi 1996 jyldan bastap 11,2 ese tómendedi jáne 2013 jylǵy III toqsanda 3,1 paıyzdy qurady.
«Bir qyzmetkerdiń ortasha aılyq ataýly jalaqysy 1993 jyldaǵy 128 teńgeden (24 AQSh dollary) 2013 jylǵy qańtar-qarashadaǵy 106 092 teńgege deıin (698 AQSh dollary) ósti (aldyn ala derekter). Elimizdiń 15 jas jáne odan úlken ekonomıkalyq belsendi halyqtyń sany 1995 jyldan 1,6 mln. adamǵa artyp, 2013 jylǵy qarashadaǵy baǵalaý boıynsha 9,1 mln. adamdy qurady»,-delingen QR Statıstıka agenttiginiń málimetinde.
Osy kezeńdegi jumyssyzdyq deńgeıi 2,1 ese derlik tómendedi jáne 2013 jylǵy qarashadaǵy baǵalaý boıynsha ekonomıkalyq belsendi halyqtyń sanynan 5,2 paıyzdy qurady.
