Kedeı kenııalyqtar shartsyz negizgi tabystan bas tartýda
ASTANA. QazAqparat - GiveDirectly bastamasynyń aýqymdy eksperımenti kútpegen qıyndyqqa tap boldy - kóptegen kenııalyqtar baǵdarlamaǵa qatysýdan bas tartýda. Bul týraly Kenııadaǵy baǵdarlama dırektory Ýıll Lı óziniń blogynda givedirectly.org habarlady.
2011-2016 jyldary GiveDirectly uıymy aqsha tóleý baǵdarlamasyn júrgizgende Kenııanyń Sıaııa aýdany turǵyndarynyń 95% qatysqan. Ýganda men Rýandada aqsha alǵysy kelgenderdiń sany 96% boldy. 2015 jyldyń shilde aıynda GiveDirectly baǵdarlamasy Kenııanyń ózge aýdanyna - Homa Beıge keldi. Ondaǵy bas tartý kólemi 45% jetti. VICh, aýyz sý, agrarly damý, bilim berýmen aınalysatyn ózge memlekettik emes uıymdar da dál osy máselege tap bolǵan.
Lıdiń aıtýynsha, bar másele halyqtyń sekemshildiginde. Jarly kenııalyqtar beıtanys uıymnyń tegin aqshany berýine senbeı, túrli sebepter oılap tabýda. Máselen, bul qarajattyń saıtanǵa tabynýmen baılanysy bar dep esepteıdi.
Mamyr aıynda jarııalanǵan eksperıment kezinde GiveDirectly qaıyrymdylyq uıymy aldaǵy 10-15 jylda Kenııa aýyldarynyń alty myń turǵynyna negizgi tabys tóleıdi. Qarjylyq qıyndyqqa tap bolǵan kenııalyqtar tańdap alynady.
