Kedergisiz ótkizip beremin: Qazaq-ózbek shekarasynda deldaldar sheteldikterdi mazalaǵan
TÚRKІSTAN. KAZINFORM – Áleýmettik jelilerde Túrkistan oblysyna qarasty qazaq-ózbek shekarasynda bolǵan tártipsizdik týraly beınejazba tarady.
Beınejazbada orta jastaǵy azamat jeńil kólikpen kezekte turǵan sheteldik azamatqa keden beketinen kezeksiz tikeleı ótkizip bere alatynyn aıtqan. Alaıda kólik júrgizýshisi onyń usynysyna kelispegen, osydan soń ekeýiniń arasynda kelispeýshilik bolǵan.
Atalǵan oqıǵaǵa oraı Túrkistan oblysy boıynsha Memlekettik kirister departamenti Kedendik ákimshilendirý basqarmasynyń basshysy Serik Malıkov pikir bildirdi.
- Bul keden beketiniń syrtynda bolǵan jaǵdaı. Anyqtalǵany, tártipsizdik týdyrǵan azamat polıtsııa ýchaskesine jetkizildi, - dedi ol.
Tártip buzǵan azamat beınejazbada sóılegen sózinde kópshilikten keshirim surap, ókinetinin aıtty.
- 2025 jyly 11 qarasha kúni bolǵan jaǵdaıǵa baılanysty qatty ókinishimdi bildiremin. Ózbekstan men Qazaqstan azamattarynan keshirim suraımyn. Mundaı jaǵdaı kelesi ret qaıtalanbaıdy, - dedi ol.
Budan buryn qazaq-ózbek shekarasynda júk kólikteri táýliktep turýǵa májbúr ekenin jazǵan edik.