Kedergisiz saılaý: múmkindigi shekteýli almatylyqtar úshin barlyq jaǵdaı jasaldy

ALMATY. QazAqparat - Erekshe qajettiligi bar adamdar úshin qoljetimdi orta qalanyń barlyq saılaý ýchaskelerinde uıymdastyryldy, dep habarlaıdy QazAqparat tilshisi.

№91 ýchaskelik komıssııa tóraǵasy Ǵazıza Amanbaıdyń aıtýynsha, múgedek adamdar daýys beretin kabına kádimgi kabınalarǵa qaraǵanda keńirek.

«Kabınalar keń. Sonymen qatar ishinde ústel shamy, úlkeıtý áınegi, trafaretter, qulaqqaptar bar»,- deıdi №91 ýchaskelik komıssııanyń tóraǵasy Ǵazıza Amanbaı.

Sondaı-aq múmkindigi shekteýli azamattardy saılaý ýchaskelerine ınvataksıler jetkizýde. Búgin qala boıynsha 100 ınvataksı qyzmet kórsetip jatyr.

«Men saılaý ýchaskeleriniń múgedekterge qanshalyqty qoljetimdi ekenin kórý úshin saılaýǵa ózim kelýdi sheshtim. Saılaý ýchaskesi ornalasqan №72 mektepte QNjE sáıkes keletin taktıldi jol, pandýstar bar ekenin kórdim. Daýys berý kabınasynda bolǵan kezde men Braıl shrıftimen jazylǵanyn baıqadym. ıAǵnı, zaǵıptarǵa barlyǵy qoljetimdi. Biz saılaýǵa basqalar sııaqty kelip, óz daýysymyzdy bere alamyz, óz ustanymymyzdy kórsete alamyz. Bul «ınklıýzııa»,-dep bólisti múgedekter arbasyna tańylǵan Merýert Qulahmetova.

Sonymen qatar Almatyda múmkindigi shekteýli azamattardy tasymaldaý úshin qalanyń medıtsınalyq-áleýmettik mekemelerinen 10 avtokólik kezekshiligi uıymdastyryldy. Syrtqa shyǵa almaıtyn saılaýshylar úıde daýys berdi.

Aýmaqtyq saılaý komıssııasynyń málimetinshe, Almatyda saılaý quqyǵyna ıe erekshe qajettiligi bar 39 570 adam turady.