«Kedergisiz keleshek» jobasy aıasynda Nazarbaev halyqaralyq áýejaıynda reıd ótkizildi

NUR-SULTAN. QazAqparat - Búgin Nur-Sultan qalasyndaǵy Nur Otan partııasynyń «Esil» aýdandyq fılıaly «Kedergisiz keleshek» partııalyq baǵdarlamasy sheńberinde rýhy myqty jandar úshin nysandardyń qoljetimdiligin tekserý maqsatynda reıd júrgizdi, dep habarlaıdy QazAqparat partııanyń qalalyq fılıalynyń baspasóz qyzmetine silteme jasap.

«Nursultan Nazarbaev halyqaralyq áýejaıynda erekshe jandar úshin barlyq jaǵdaı halyqaralyq talaptarǵa saı jasalǵan. Áýejaıǵa kirgennen bastap arnaıy tetik arqyly kómek shaqyra alady. Kómek shaqyrylǵannan keıin bort qyzmetkerlerine arnaıy habarlandyrý beriledi. Demalý oryndary da qarastyrylǵan», - dedi komıssııa múshesi ıÝsýp Kelıgov.

Sonymen qatar áýejaıda mentaldy aýytqýshylyǵy bar adamdarǵa jáne aýtızmmen aýyratyn balalarǵa arnaıy beıdjıkter beriledi. Bortqa ótý barysynda beıdjıktiń kómegimen eshqandaı kedergige tap bolmaıdy. Osy syndy tekserister Qazaqstannyń barlyq aýmaǵyn qamtıtyn bolady.