«Kedentranservıs» AQ basshylyǵy aqshany qalaı urlady

ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy kúres agenttigi "Kedentransservıs" AQ vıtse-prezıdenti Ǵalym Muqanovty paramen ustaý vıdeosyn jarııalady, dep xabarlaıdy QazAqparat tilshisi.

 Agenttiktiń resmı ókili Nurlan Jaxınniń aıtýynsha, "Kedentransservıs" AQ  "Qazaqstan temirjoly" ulttyq kompanııasyna qaraıdy.

 "6 maýsymda sybaılas jemqorlyqqa qarsy ulttyq bıýronyń Astana qalasy boıynsha departamenti "Kedentrasnservıs" AQ vıtse-prezıdenti Muqanov jáne osy uıymnyń satyp alýdy uıymdastyrý basqarmasynyń basshysy Ývaevtyń qylmysyn áshkereledi. Olar memlekettik satyp alý konkýrsyn ótkizý kezinde qamqorlyq jasaǵany úshin jaýapkershiligi shekteýli seriktestiginiń ókilinen 17,5 mıllıon teńge somasynda aqsha alǵan. Tergeýshiler "Kedentransservıs" AQ jáne JShS arasyndaǵy kúrdeli jóndeý jumystaryn júrgizýge jalpy somasy 23 mıllıon 927 myń teńgege kelisimshart jasalǵanyn anyqtady. Shyn máninde, eshqandaı jumystar atqarylmaǵan. Alaıda kúdiktiler qyzmettik babyn paıdalanyp, joǵaryda kórsetilgen somada oryndalǵan jumystar aktilerin, shot-faktýralar men anyqtamalardy qabyldap, qoldaryn qoıǵan", - dedi N.Jaxın Astanada ótken baspasóz máslıxatynda.

Onyń aıtýynsha, Ǵalym Muqanov pen Dýlat Ývaev qamaýǵa alyndy. Tergeý sharalary jalǵasýda.