Kedenshiler Irannan kelgen qoqys jáshiginen 85,9 mln teńgelik zańsyz temeki tárkiledi

AQTAÝ. KAZINFORM – Kólik prokýratýrasy men keden organdary júrgizgen tekseris nátıjesinde quny ondaǵan mıllıon teńge bolatyn zańsyz eksportqa tosqaýyl qoıyldy. Bul týraly Bas kólik prokýratýrasy málimdedi.

— Mańǵystaý oblysynda «Morport» keden beketinde konteıner tekserildi, onda Irannan kelgen qoqys jáshikterin jeleý etip, kontrabandalyq jolmen ákelingen Oris — temekileriniń úlken partııasy jasyrylǵan, jalpy quny 85,9 mln teńge bolatyn 226 myńnan astam qorap, — delingen habarlamada.

Bul fakti boıynsha ekonomıkalyq kontrabanda (QR QK-niń 234-baby) boıynsha sotqa deıingi tergeý bastaldy.

Sol sııaqty, Jetisý oblysyndaǵy «Altynkól-Jol» beketinde jeńil panelder atyn jamylǵan quny 87 mln teńge bolatyn 400 myń qorap temekini zańsyz alyp ótý áreketi toqtatyldy. Júk Polshaǵa jetkizilmek bolǵan.

Túrkistan oblysynda 17 kólikpen shekaradan ótpek bolǵan 413 tonna aǵashty zańsyz eksporttaýǵa jol berilmedi. Qylmyskerler ákimshilik jaýapkershilikke tartyldy.

Prokýratýra men keden organdarynyń úılestirilgen jumysynyń nátıjesinde eksporttyq operatsııalardyń zańdylyǵyn baqylaýǵa jáne memlekettiń múddesin qorǵaýǵa bolady. Kontrabandamen kúresý jumystary jalǵasa beredi. 

Buǵan deıin habarlanǵandaı, Qazaqstan temeki kontrabandasy saldarynan jyl saıyn 32 mlrd teńge joǵaltady.