Kedenshilerden jasyrý úshin sý jańa kólikti folgaǵa orap tastaǵan
«Kedendik tekserý barysynda kedendik tekserýdiń tehnıkalyq quraldarynyń atqaratyn qyzmeti óte zor. Osy oraıda, ınspektsııalyq tekserý kesheninde jumys isteıtin keden qyzmetkerleriniń biliktiligi men óz qyzmetine degen adaldyǵyna da kóp nárse baılanysty ekeni jasyryn emes. Jýyrda «Altynkól» keden beketiniń «Altynkól» temirjol ótkizý pýnktiniń bas mamany O.Keńesbaevtyń qyraǵylyǵynyń nátıjesinde Ońtústik Koreıadan Qyrǵyz Respýblıkasyna tranzıtpen ketip bara jatqan konteıner toqtatyldy. Sebebi, ınspektsııalyq keshendi tekserý skaneri arqyly konteıner ishinde kedendik qujattarda (ınvoıs) málimdelmegen zattar barlyǵy kúdik týdyrǵan»,- delingen QR Qarjy mınıstrligi Memlekettik kirister komıteti taratqan aqparatta.
Osydan keıin «Jibek joly» jaýapkershiligi jekteýli seriktestiginiń ýaqytsha saqtaý qoımasynda júrgizilgen tııanaqty tekserý nátıjesinde konteıner ishinen buryn paıdalanýda bolǵan avtokóliktiń qosalqy bólshekteri men 2014 jyly shyǵarylǵan «BMV - 5281» markaly jeńil avtokólik tabylǵan. Taýar jóneltilýshilerdiń ákkiligi sonsha, atalǵan avtokólikti skanerden jasyrý maqsatynda ony folga qaǵazyna myqtap orap, jan-jaǵyna qosalqy bólshekterdi tastaǵan eken. Soǵan qaramastan ákkilik áreket qyraǵy kedenshiniń nazarynan tys qalmady.
«Qazirgi ýaqytta ustalǵan avtokóliktiń kedendik qunyn anyqtaý jumystary júrgizilýde. Egerde kedendik qunnyń mólsheri 5000 aılyq eseptik kórsetkishten asyp ketken jaǵdaıda Qazaqstan Respýblıkasy Qylmystyq kodeksiniń 234-babynyń 1-bóligi boıynsha (ekonomıkalyq kontrabanda) boıynsha qylmystyq is qozǵalady», - dep atap ótedi vedomstvodan.
