Kedenshiler zańsyz tasymaldanbaq bolǵan 31 792 AQSh dollaryn tárkiledi
ASTANA. 10 naýryz. QazAqparat /Aınur Kenebaeva/ - Kontrabandaǵa qarsy kúres basqarmasynyń qazmetkerleri Qazaqstan Respýblıkasy shekarasynan deklaratsııalanbaǵan iri qarajat kólemin ótkizbek bolǵan azamattardy tutqyndady.
Bul týraly Astana qalasy boıynsha Kedendik baqylaý departamentiniń baspasóz qyzmetinen habarlady.
Kelip túsken aqparattan málim bolǵandaı, zańsyz áreketke barǵan erli-zaıypty QR azamattary "Astana-Ábý Dabı" baǵytyndaǵy áýe reısine otyrǵyzý ústinde Astana qalasynyń halyqaralyq áýejaıynda ustalǵan.
Kedendik baqylaý ótken ýaqytta aıyptalýshylardyń biri ózimen birge 10 myń AQSh dollary bar ekendigin málim etken. Artynsha kedendik qyzmet tekserisi barysynda atalmysh azamattardan deklaratsııalanbaǵan 31 792 AQSh dollary men 300 eýrodaı shetel valıýtasy tabylyp, tárkilendi.
Qazirgi tańda bul zań buzýshylyq áreketi boıynsha tergeý isi júrgizilip jatyr, delingen aqparatta.
