Kedenshiler tárkilegen 23 myń maska Almaty oblysynyń ákimdigine berildi
TALDYQORǴAN. QazAqparat – Almaty oblysynda zańsyz saýdadan alynǵan medıtsınalyq zattar Densaýlyq saqtaý basqarmasyna berildi, dep habarlaıdy QazAqparat tilshisi.
«Almaty oblysynyń Densaýlyq saqtaý basqarmasyna jalpy salmaǵy 109 keli bolatyn 23 560 dana medıtsınalyq maska, 24 dana dıstantsııalyq termometr jáne 20 dana qorǵanysh kostıými syndy jeke qorǵanysh quraldary tapsyryldy», - dedi Almaty oblysy boıynsha Memlekettik kirister departamentinen.
Málim etilgendeı, departamenttiń keden qyzmetkerleri QHR-dan EAEO aýmaǵyna zańsyz ákelinbek bolǵan atalǵan medıtsınalyq quraldardy kedendik baqylaý barysynda anyqtaǵan.
