Kedenshiler Reseı Federatsııasyna 6 kıláǵa jýyq esirtki zatyn alyp ótpek bolǵan azamatty quryqtady
ASTANA. Naýryzdyń 11-i. QazAqparat - Kedenshiler Qaraǵandy qalasynan Reseı Federatsııasyna 6 kıláǵa jýyq geroındy tasymaldamaq bolǵandardyń jolyn kesti,
dep habarlaıdy QazAqparat Kedendik baqylaý komıtetiniń baspasóz qyzmetine silteme jasap.
Taratylǵan aqparatqa sáıkes, Pavlodar oblysy boıynsha Kedendik baqylaý departamentiniń qyzmetkerleri qyzmettik-izdestirýshi ıttiń kómegimen «Úrlitóbe» keden beketinde Qaraǵandy-Omby baǵytynda bet alǵan «Mersedes-Bents» avtokóligin tekserý kezinde, mashınanyń aldyńǵy shynysynyń dekoratıvti jabyndysy astyna muqııat jasyrylǵan polıetılendi 18 paketti tapqan.
Sarapshylardyń qorytyndysyna sáıkes, erekshe ıisi bar zat - geroın bolyp tabylady. Jalpy salmaǵy - 5,9 kılá.
Qazir atalmysh fakti boıynsha QR Qylmystyq Kodeksiniń 250-shi babyna sáıkes qylmystyq is qozǵaldy. Kúdikti - 1967 jyly týǵan Qazaqstan Respýblıkasynyń azamaty, Pavlodar qalasy Іshki ister basqarmasynyń ýaqytsha ustaý abaqtysyna jabyldy.
