Kedenshiler Eýrazııalyq ekonomıkalyq odaqqa 300 kg gashıshtiń kirýine jol bermedi

ASTANA. QazAqparat - Grodnensk kedenshileri Eýrazııalyq ekonomıkalyq odaqqa 372 gashısh brıketiniń kirgizilýine jol bermedi, dep habarlaıdy BELTA Grodnensk óńirlik kedenine silteme jasap.

Belarýs kedenshileri bıylǵy jyly osymen úshinshi ret iri esirtki partııasynyń jolyn kesip otyr.

Polshadan shyqqan Lexus jeńil avtokóliginiń 56 jastaǵy júrgizýshisi «Brýzgı» shekaralyq ótkizý pýnktinen ótpek bolǵan.

Tekserister barysynda esirtki zat salynǵan 372 arnaıy brıket tabyldy. Olardy alý úshin avtomashınany tolyǵymen demontaj jasaýǵa týra keldi.

Júrgizýshige, Reseı Federatsııasynyń azamatyna qatysty Belarýs Respýblıkasy Qylmystyq kodeksiniń 328-baby, 1-bóligine sáıkes qylmystyq is qozǵaldy. Esirtki zattardy shekaradan zańsyz alyp ótpek bolǵany úshin oǵan 10 jylǵa bas bostandyǵynan aıyrý jazasy berilýi múmkin.