Kedenshiler apta ishinde 24,3 mln. teńgeni quraıtyn taýarlarǵa qatysty 8 is qozǵady
Sonymen qatar, atalmysh kezeńde 58 ákimshilik is qozǵalyp, óndirilgen aıyppul 9 mln. 208 myń 116 teńgege jetti. Bul týraly Kedendik baqylaý komıtetiniń baspasóz qyzmetinen habarlandy.
Atap aıtqanda, Aqmola oblysy boıynsha Kedendik baqylaý departamentiniń qyzmetkerleri asa iri mólsherdegi halyq tutynatyn taýarlarǵa deklaratsııany burmalap toltyrý faktisin anyqtady. Atalmysh taýarlar Qazaqstan azamatynyń mekenjaıyna Túrkııa Respýblıkasynan kelip túsken. Tekserý barysynda kedenshiler Túrkııa Respýblıkasy keden organdarynan eksporttyq deklaratsııa týraly maǵlumat alyp, ony salystyrý kezinde taýarlardy qate deklaratsııalaý faktisin anyqtaǵan. Sarapshylardyń qorytyndysyna sáıkes deklaratsııalanbaǵan taýarlardyń jalpy quny 13 mln. 279 myń 793 teńge qurady, bul rette tólenýge jatatyn kedendik tólemder men alymdardyń somasy 3 mln. 524 665 teńgege jetip otyr. Osyǵan oraı, Qazaqstan Respýblıkasy Qylmystyq kodeksi 209-babynyń 2-bólimi boıynsha qylmystyq is qozǵaldy.
Al Jambyl oblysy boıynsha Kedendik baqylaý departamentiniń qyzmetkerleri jedel-izdestirý is-sharalaryn júrgizý kezinde «Aısha bıbi» keden beketiniń kedendik termınaly zalynda Qyrǵyz Respýblıkasyna jol júretin Qazaqstan Respýblıkasynyń azamatyn ustady. «SKANPASS» kedendik baqylaý tehnıkalyq quralyn paıdalana otyryp, tekserý barysynda álgi azamattan (tik isheginde) polıetılendik paketke oralǵan túıinshek alyndy. Sarapshylardyń qorytyndysy boıynsha túıinshektiń ishinde jalpy salmaǵy 1 gr 84 mg «geroın» bolǵan. Ustalǵanǵa qatysty Qazaqstan Respýblıkasy Qylmystyq kodeksi 250-babynyń 4-bólimi men 259-babynyń 1-1-bóliminde kózdelgen qylmys belgileri boıynsha qylmystyq is qozǵaldy.
