Kedenshiler AQSh-tan Almatyda turatyn bir azamatqa jiberilgen júktiń ishinen rásimdelmegen qarý-jaraq taýyp aldy
ALMATY. Qańtardyń 9-y. QazAqparat /Erlik Erjanuly/ - Keshe «Dostyq» keden beketindegi tekserý kezinde deklaratsııalanbaǵan qarý-jaraq tabyldy,
dep habarlaıdy QazAqparat Qarjy mınıstrligi Kedendik baqylaý komıtetiniń baspasóz qyzmetine silteme jasap.
Ol AQSh-tan Almatyda turatyn bir azamattyń atyna jóneltilgen konteınerdiń ishinen shyqty. Onda 4,5 jáne 5,5 mılımetrli eki pıstolet, 5,6 kalıbrli 3 603 patron, kalıbri 4,5 mılımetrlik pnevmatıkalyq myltyq jáne onyń 6 temir qalbyrǵa salynǵan oqtary men 160 dana gaz ballondary tabyldy. Kedendik baqylaýdan jasyrǵan jáne kedendik deklaratsııasy kórsetilmegen bul júk boıynsha qazirgi ýaqytta tekserý jumystary júrgizilýde.
