Kedendikter el aýmaǵynan zańsyz aqsha alyp shyqpaq bolǵan azamatshany ustady
ALMATY. 22 aqpan. QazAqparat - Qalalyq kedendik baqylaý departamentiniń qyzmetkerleri Almaty halyqaralyq áýejaıynda kedendik baqylaýdan ótkennen keıin «Almaty - Shardja» áýe reısin tirkeý barysynda 1980 jyly týylǵan bir azamatshany ustady.
Kúdiktiniń júkterine tekserý kezinde qol sómkesiniń ishinen kedendik rásimdeýden ótpegen 2 073 680 teńgeni quraıtyn shetel valıýtasy (14 myń AQSh dollary) tabyldy. Departamenttiń baspasóz hatshysy Gúlnar Turymtaıdyń aıtýynsha, zańsyz iri mólsherde shetel valıýtasyn alyp ótpekshi bolǵan qazaqstandyq azamatshaǵa endi QR Qylmystyq kodeksi 209-babynyń 1-tarmaǵyna sáıkes qylmystyq is qozǵalmaq.
Buǵan deıin kedenshiler 15 aqpanda jedel izdestirý sharalaryn júrgizý barysynda Almaty halyqaralyq áýejaıynda kedendik baqylaýdan ótkennen keıin «Almaty-Beıjiń» baǵytyndaǵy áýe reısin tirkeý barysynda 1980 jyly týylǵan taǵy bir qazaqstandyq azamatty ustaǵan bolatyn. Onyń júkterin qaıta tekserý kezinde kedendik rásimdeýden ótpegen 3 116 459,6 teńgeni quraıtyn shetel valıýtasy (20 338 AQSh dollary men 4 200 Qytaı ıýany) tabylǵan bolatyn.
