Kedendik tekserý qalaı júrgiziledi
Kedendik tekserý tulǵalardyń keden zańnamasyn saqtaýyn tekserý maqsatynda taýarlardy shyǵarǵannan keıin keden organymen júrgiziledi.
Kedendik tekserý júrgizý tártibi Eýrazııalyq ekonomıkalyq odaq Keden kodeksiniń 45-taraýymen jáne «Qazaqstan Respýblıkasyndaǵy kedendik retteý týraly» Qazaqstan Respýblıkasy kodeksiniń 47-taraýymen reglamenttelgen.
Kedendik tekserý deklarantqa, tasymaldaýshyǵa, ýaqytsha saqtaý qoımasy bolyp tabylmaıtyn oryndarda taýarlardy ýaqytsha saqtaýdy júzege asyratyn nemese taýarlar shyǵarylǵannan keıin olarǵa qatysty ókilettikteri bar tulǵalarǵa, ýákiletti ekonomıkalyq operatorǵa, kedendik rásimmen ornalastyrylǵan taýarlarmen jasalǵan mámilelerge tikeleı nemese janama túrde qatysqan tulǵaǵa jáne basqa da qatysy bar tulǵalarǵa qatysty júrgiziledi.
Kedendik tekserý kezinde ne tekseriledi?
Kedendik tekserýdi júrgizý kezinde:
- taýarlardy kedendik rásimmen ornalastyrý faktisi;
- kedendik deklaratsııada málimdelgen jáne qujattardaǵy málimetterdiń anyqtyǵy;
- shartty túrde shyǵarylǵan taýarlardy paıdalaný nemese olarǵa bılik etý boıynsha shekteýlerdiń saqtalýy;
- keden isi salasyndaǵy qyzmetti júzege asyratyn tulǵalardyń keden zańnamasynda kózdelgen mindetterdi oryndaýy;
- ýákiletti ekonomıkalyq operatorlardyń tizilimine engizilýge úmitker zańdy tulǵanyń osyndaı tizilimge engizý sharttaryn saqtaýyn jáne keden zańnamasynda kózdelgen ózge mindetterdi oryndaýy;
- keden zańnamasynda kózdelgen kedendik rásimderge sáıkes taýarlardy paıdalaný sharttarynyń saqtalýy tekserilýi múmkin.
Kedendik tekserý túrleri
Kedendik tekserý kameraldyq nemese kóshpeli bolýy múmkin.
Kameraldyq kedendik tekserýdi keden organynyń ornalasqan jeri boıynsha keden organdary tekseriletin tulǵaǵa barmaı, sondaı-aq kameraldyq kedendik tekserýdi júrgizý týraly sheshimin (nusqamasyn) resimdemeı júrgizedi.
Kameraldyq kedendik tekserýdi júrgizýdiń bastalǵany týraly (QR QM 24.06.2019j. №621 buıryǵy) tekseriletin tulǵa habardar etiledi.
Kóshpeli kedendik tekserýlerdiń 3 túri bar:
1) jospardan tys;
2) jospardan tys qarsy;
3) keshendi.
Kedendik tekserýler qalaı júrgiziledi?
Kóshpeli kedendik tekserýdi keden organy zańdy tulǵanyń ornalasqan jerine, dara kásipkerdiń qyzmetin júzege asyratyn orynǵa nemese osyndaı tulǵalardyń qyzmetti is júzinde júzege asyratyn ornyna baryp júrgizedi.
Bul tekserýdi tekseriletin tulǵanyń ornalasqan jeri boıynsha keden organy júzege asyrady. Kóshpeli kedendik tekserý nusqama negizinde júrgiziledi (QR QM 08.02.2018j. №146 buıryǵy).
Tekserý merzimi
Kameraldyq kedendik tekserýdi júrgizý merzimi tekseriletin tulǵaǵa kameraldyq kedendik tekserýdi júrgizýdiń bastalǵany týraly habarlama jiberilgen kúnnen bastap kúntizbelik alpys kúnnen aspaýǵa tıis.
Kóshpeli kedendik tekserýdi júrgizý merzimi eki aıdan aspaýǵa tıis.
Kedendik tekserýdi aıaqtaý tártibi
Kedendik tekserý aktisi jasalǵanǵa deıin, buzýshylyqtar anyqtalǵan jaǵdaıda, keden organynyń laýazymdy adamy tekseriletin tulǵaǵa kedendik tekserýdiń aldyn ala aktisin tabystaıdy.
Bul rette tekseriletin tulǵa kedendik tekserýdiń aldyn ala aktisine jazbasha qarsylyq berýge quqyly (QR QM 21.04.2021j. jáne №376 jáne 29.04.2021j. №413 buıryqtary).
Kedendik tekserý nátıjeleri boıynsha resimdelgen, tekseriletin tulǵaǵa tabys etiletin kedendik tekserý aktisi jasalǵan kún kedendik tekserýdiń aıaqtalǵan kúni bolyp esepteledi.
Keden zańnamasyn buzýshylyqtar anyqtalǵan jaǵdaıda tekserý nátıjeleri týraly habarlama shyǵarylady. Osyndaı habarlamany oryndaý merzimi tekseriletin tulǵaǵa osyndaı habarlama tabys etilgen kúnnen keıingi kúnnen bastap otyz jumys kúninen aspaıdy.
Tekseriletin tulǵa osyndaı habarlamany alǵan kúnnen keıingi kúnnen bastap otyz jumys kúni ishinde shaǵymdanýǵa quqyly.
Keden organdarynyń áreketine (áreketsizdigine) shaǵymdaný tártibi Qazaqstan Respýblıkasynyń Ákimshilik rásimdik-protsestik kodeksiniń 13-taraýymen kózdelgen.
