Kedendik tarıfter elimizge eski kólikterdi ákelýdi shektep otyr - B. Jámishev
qpannyń 22-si. QazAqparat /Qanat Mámetqazyuly/ - Kedendik tarıfter elimizge eski kólikterdi ákelýdi shektep otyr.
Búgin QR Parlamenti Májilisinde ótken Úkimet saǵatynda QR Qarjy mınıstri Bolat Jámshev osylaı málim etti, dep habarlaıdy QazAqparat.
«Statıstıkaǵa sáıkes, byltyr elimizge qozǵaltqysh qýaty 3 myń tekshe/santımetrden asatyn 649 dana avtokólikter ákelingen. Bulardyń barlyǵy derlik jańa avtokólikter. Al 2010 jylǵy qańtar aıy men aqpannyń 18 kúngi qolda bar málimetterge qaraǵanda, shetelden ákelingen osyndaı kólikter sany 458 danany qurap otyr. Al osy kólikter boıynsha jalpy kedendik tólemder quny byltyrǵy jyly kóliktiń jalpy qunynyń 22,2 paıyzyn quraǵan bolsa, bıyl 24,5 paıyzdy qurady. ıAǵnı, bıyl bundaı jańa avtokólikter 2,3 paıyzǵa ǵana qymbattady dese bolady», dedi B. Jámishev.
Al mınıstrdiń aıtýynsha, qozǵaltqysh qýaty 3 myń tekshe/santımetrden tómen bolyp tabylatyn alys shetelden ákelingen avtokólikterdiń basym bóligi ustalǵan, eski kólikterge jatady. Byltyr alys shetelden bundaı avtokólikterdiń 8 myń 958 danasy ákelinse, bıylǵy jyl basynan beri 97 dana ǵana jetkizilipti. «ıAǵnı, statıstıka boıynsha biryńǵaı keden tarıfi eski, ustalǵan avtokólikterdi elge ákelýge tyıym salýmen birdeı áser berip otyr. Bul - fakt. Taǵy bir másele, byltyr bundaı eski kólikterge kedendik tólemder úlesi jalpy qunnyń 17,2 paıyzyn qurasa, bıylǵy stavkalar 35 paıyzdy qurady», dedi mınıstr.
Sonymen birge, B. Jámishevtyń málimetterine qaraǵanda, byltyrǵy jyly Ózbekstannan Qazaqstanǵa bar-joǵy 7 avtokólik ákelinse, bıylǵy jyl basynan beri olardyń sany 334-ti quraǵan.
