Kedendik statıstıka ortalyǵynyń mártebesi jáne syrtqy saýda statıstıkasy jónindegi hattamalarǵa qatysty eki zań jobasy maquldandy
STANA. Maýsymnyń 9-y. QazAqparat - Búgin QR Parlamenti Májilisiniń jalpy otyrysynda keden statıstıkasyna qatysty eki zań jobasy talqyǵa túsip, tolyqtaı maquldandy,
dep habarlaıdy QazAqparat.
Atap aıtqanda, «Keden odaǵy komıssııasy Kedendik statıstıka ortalyǵynyń mártebesi týraly hattamany ratıfıkatsııalaý týraly»jáne «Syrtqy saýda statıstıkasy men ózara saýda statıstıkasynyń derekterin berý tártibi týraly hattamany ratıfıkatsııalaý týraly» zań jobalary týraly Májiliste QR Qarjy mınıstri Bolat Jámishev baıandama jasady.
Sankt-Peterbor qalasynda 2009 jylǵy jeltoqsannyń 11-i kúni ótken Eýrazııalyq ekonomıkalyq qoǵamdastyq Memleketaralyq keńesiniń otyrysy sheńberinde Syrtqy saýda statıstıkasy men ózara saýda statıstıkasynyń derekterin berý tártibi týraly hattamaǵa jáne Keden odaǵy komıssııasy Kedendik statıstıka ortalyǵynyń mártebesi týraly hattamaǵa qol qoıylǵany belgili.
Bul Hattamalar ortalyqqa derekterdi berýge jaýapty Taraptardyń ýákiletti organdary Keden odaǵy komıssııasynyń Kedendik statıstıka ortalyǵyna keden odaǵy taýarlarynyń syrtqy saýda kedendik statıstıkasy men ózara saýda statıstıkasynyń derekterin berýdi júzege asyrý negizderin qarastyrady. Sondaı-aq keden odaǵy komıssııasy Kedendik statıstıka ortalyǵynyń mártebesin jáne fýnktsııalaryn aıqyndaıdy. Hattamanyń 2-babyna sáıkes tehnıkalyq sharttar Taraptardyń ýákiletti organdarymen kelisim boıynsha Keden odaǵy komıssııasy ázirleıdi jáne bekitiledi.
«Parlament Májilisiniń barlyq komıtetteri osy zań jobasy boıynsha oń qorytyndylaryn berdi. «Qazaqstan Respýblıkasynyń halyqaralyq sharttary týraly» Qazaqstan Respýblıkasy Zańynyń 11-babynyń 2) jáne 5) tarmaqshalaryn basshylyqqa ala otyryp, sondaı-aq halyqaralyq sharttar Qazaqstan Respýblıkasynyń ulttyq zańnamalarynda kózdelgendegideı ózgeshe erejeni belgiletindigin eskere otyryp, kórsetilgen halyqaralyq normatıvtik quqyqtyq aktiler ratıfıkatsııalaýǵa jatady»,- dedi osy zań jobalary boıynsha qurylǵan jumys tobynyń jetekshisi, Májilistiń Halyqaralyq ister, qorǵanys jáne qaýipsizdik komıtetiniń múshesi Ýálıhan Qońyrbaev.
