Kedendik rásim barysynda salyqtan bosatylatyn jaǵdaılar aıqyndalady - Zań jobasy
ASTANA. 23 qańtar. QazAqparat - Búgin Parlament Májilisiniń jalpy otyrysynda «2010 jylǵy 21 mamyrdaǵy Kedendik tranzıttiń kedendik rásimine sáıkes tasymaldanatyn taýarlarǵa qatysty kedendik bajdardy,
salyqtardy tóleýdi qamtamasyz etýdi usynýdyń keıbir máseleleri, kedendik bajdardy, salyqtardy óndirip alýdyń erekshelikteri jáne osyndaı taýarlarǵa qatysty óndirip alynǵan somany aýdarý tártibi týraly kelisimge ózgerister men tolyqtyrýlar engizý týraly hattamany ratıfıkatsııalaý týraly» zań jobasy maquldandy.
Atalǵan qujat taýarlardy kedendik tranzıttiń kedendik rásimine ornalastyrý kezinde kedendik bajdardyń, salyqtardyń tólenýin qamtamasyz etýdi usyný talap etilmeıtin qosymsha jaǵdaılardy belgileýdi kózdeıdi. Osyǵan oraı, kelisimniń 5-babyna kedendik tranzıt kezinde taraptardyń keden organdary kedendik bajdardyń, salyqtardyń tólenýin qamtamasyz etýdi talap etpeıtin taýarlardyń tizbesin ózgertý jáne keńeıtý bóligine ózgerister engiziledi. Atap aıtqanda, bul bastapqy jaıǵasýǵa arnalǵan taýarlardy qosa alǵanda dıplomatııalyq ókildiktiń personal músheleriniń, shet memlekettiń konsýldyq mekemesi qyzmetkerleriniń jáne osy sekildi birqatar laýazymdy tulǵalardyń paıdalanýyna arnalǵan taýarlar. Budan bólek, bul sanatqa mádenı, ǵylymı-zertteý maqsatynda paıdalanýǵa, sporttyq jarystardy nemese daıyndyqty ótkizýge arnalǵan, dúleı zilzalanyń, apattardyń saldaryn joıýǵa arnalǵan taýarlar da jatady.
