Kedendik odaqtyń qurylýy Qazaqstanǵa tikeleı sheteldik ınvestıtsııalar tartýdaǵy mańyzdy faktorlardyń biri - vıtse-premer
áýirdiń 28-i. QazAqparat /Ernur Aqanbaı/ - Vıtse-premer-ındýstrııa jáne jańa tehnologııalar mınıstri Áset Isekeshevtiń pikirinshe, Kedendik odaqtyń qurylýy Qazaqstanǵa tikeleı sheteldik ınvestıtsııalar tartýdaǵy mańyzdy faktorlardyń biri bolyp tabylady,
dep habarlaıdy QazAqparat.
«Kedendik odaq jaǵdaıynda, jalpy daǵdarystan keıingi damý jaǵdaıynda birinshiden - tikeleı sheteldik ınvestıtsııalardy, ekinshiden - «smart-ınvestıtsııany», ıaǵnı ózimen birge neǵurlym ozyq tehnologııalardy tartatyn «aqyldy» ınvestıtsııalardy barynsha kóp tarta alǵan el utatyn bolady. Sondyqtan da jańa júıe, ıaǵnı Kedendik odaq Qazaqstanǵa neǵurlym jaqsy ınvestorlardy tartýy tıis. Bul júıe qazir jumys isteı bastady. Al, Indýstrııa jáne jańa tehnologııalar mınıstrligi qazir ınvestorlar úshin «bir tereze» qaǵıdaty boıynsha jumys isteýde», dedi Á. Isekeshev búgin BNews.kz portalynda ótken online-konferentsııada.
Onyń sózine qaraǵanda, Memleket basshysynyń Italııa, Frantsııa, Qytaı jáne Koreıaǵa jasaǵan saparlarynyń qorytyndysy boıynsha jalpy quny 30 mlrd. dollardan astam birlesken jobalardy júzege asyrý jóninde ýaǵdalastyq jasalǵan. «Bular naqty jobalar», dedi vıtse-premer. Onyń aıtýynsha, Qazaqstannyń sheteldik ınvestıtsııalardy tartýǵa zor áleýeti bar.
