«Kedendik odaqtyń ıgiliginen kim kóp úles alady?» - respýblıkalyq basylymdarǵa sholý
ASTANA. Jeltoqsannyń 1-i . /QazAqparat/ - Qazaq aqparat agenttigi respýblıkalyq basylymdarda jeltoqsannyń 1-i, seısenbi kúni shyqqan ózekti materıaldarǵa sholýdy usynady.
Qazaqstan, Belarýs jáne Reseı prezıdentteri Mınskidegi úshjaqty kezdesýinde úsh eldiń Keden odaǵyn qalyptastyrý barysy 1 qańtardan bastap Keden odaǵynyń biryńǵaı keden tarıfin, al 1 shildeden bastap biryńǵaı keden aýmaǵyn endirý týraly ýaǵdalasty. Sodan keıin Eýrazııa ekonomıkalyq qoǵamdastyǵy Memleketaralyq keńesiniń kezekti otyrysy boldy. «Egemen Qazaqstan» basylymynyń búgingi sanyndaǵy «Elderdi biriktirgen ıdeıa» degen taqyryppen berilgen maqala atalmysh bas qosýǵa toqtalypty.
«Altyn jaýǵan apta». Osyndaı qýanyshty taqyrypqa qurylǵan atalmysh basylymdaǵy kelesi maqala ońtústik Koreıada ótken álem chempıonatynda Qazaqstannyń qanjyǵasyna tórt altyn baılanyp, elimizdiń sport tarıhynda buryn-sońdy bolmaǵan jetistikke jetkenin jazypty.
Osy taqyryptaǵy maqalany «Aıqyn» jáne «Astana aqshamy» gazetteriniń búgingi sanynan da oqı alasyzdar.
Sondaı-aq «Egemen Qazaqstan» basylymynyń búgingi sanyndaǵy «Aldymen - ekonomıka» taqyrybymen berilgen suhbatta. Ekonomıka jáne bıýjettik josparlaý mınıstri Baqyt Sultanov Elbasy Nursultan Nazarbaev ótkizgen tikeleı jeli kezinde túsken suraqtar boıynsha oı órbitedi.
Basylymnyń «Tarıh tolqynynda» aıdarymen berilgen «Zııarat etý - zııalylyq belgisi» atty kelesi maqalada qazynaly qart Іdiris Orynbasaruly Áıteke bı babamyz týraly jáne tarıhtyń keıbir taǵylymdy tustary jaıly oı qozǵaıdy.
***
«Keshe Astanadaǵy «Sarapshy-100 - Qazaqstan» ekonomıkalyq forýmyna Mınıstrler Kabınetiniń múshelerin erte jetken Úkimetbasy Kárim Másimov endi Belarýs pen Reseı tarapynan bastalatyn «ekonomıkalyq basqynshylyqqa» qatysty otandyq ónim óndirýshilerdi tas túıin daıyndyqqa keltirdi»,- dep jazdy «Aıqyn» basylymynyń búgingi sany. Tolyǵyraq osy basylymdaǵy «Basty maqsat - Qazaqstannyń salalyq áleýetin anyqtap, óristetý» degen taqyryptaǵy maqalaǵa nazar aýdaryńyz.
Qazaqtyń ár-bir kúıiniń astarynda tereń tarıh jatyr. «Aıqyn» gazetiniń búgingi sanyndaǵy «Aqsaq qulan»týraly ańyz» taqyrybymen berilgen maqala umytylyp bara jatqan «Aqsaq qulan» kúı-ańyzynyń taǵy bir nusqasyn usynypty.
***
«Qazaqtyń aqyn qyzy» dese aýyzǵa aldymen oralatyn esim bar. Tipti ol - proza jazyp, jýrnalıstik jumysty da jatsynbaǵan jan. Ǵajaby, ádebıet degen kıeli salamen sabaqtasyp jatatyn ónerdiń qaı túrin bolmasyn keremet ıgergen. Ol kim dersiz, halqynyń kóńiline poezııa degen demimen sý búrkigen Farıza Ońǵarsynova», dep jazǵan «Astana aqshamy» basylymynyń búgingi sanyndaǵy «Ómirin óleńmen órnektegen» taqyrybymen berilgen maqala aqyn apamyzdyń 70 jyldyq mereıtoıyna arnalypty.
Sondaı-aq atalmysh basylymnyń dástúrli «Qazaq eli» aıdarynan oryn alǵan «Kenshiler qalasynyń kelbeti» degen taqyryptaǵy maqala qazaq eliniń kendi mekeni Jezqazǵan qalasynyń búgingi tynys-tirshiligimen tanystyrypty.
***
«Alash aınasy» basylymynyń búgingi sanynda «Kedendik odaqtyń ıgiliginen kim kóp úles alady?» degen maqala berilipti. Aty aıtyp turǵandaı, maqala kedendik odaq qurý máselesine nazar aýdarypty.
«Endi bir aıdan keıin qazaqstandyq kásipkerlerge jańa báskelestik jaǵdaıynda jumys isteýge týra keledi. 2010 jyldyń alǵashqy kúninen bastap Qazaqstan, Belorýs jáne Reseı memleketteri 170 mıllıonnan astam halqy bar birtutas kedendik keńistikti qamtıtyn ortaq júıege kóshedi» - deıdi basylym.
Atalmysh basylymnyń búgingi sanyndaǵy «Bizde kıno naryǵynyń aýqymy óte tar» taqyrybymen belilgen suhbatta belgili rejısser Sábıt Qurmanbekov 2010 jyldyń kókteminde ekranǵa shyǵýy josparlanyp otyrǵan komedııa janryndaǵy «Keshikken mahabbat» fılmi týraly oı bólisedi. «Biz kóp jaǵdaıda qart adamdardyń ishki sezimi týraly múldem oılanbaımyz, olar oqys oqıǵaǵa tap bolmaıdy degen senimdemiz. Shyn máninde, sezim jas talǵamaıdy eken, adamnyń kóńili eshqashan qartaımaıdy. Fılm osy jaıynda» - deıdi Sábıt Qurmanbekov .
Memleket basshysy Shyǵys-Qazaqstan oblysynyń ákimi Berdibek Saparbaevty qabyldady. Ákim Elbasyna oblystyń áleýmettik-ekonomıkalyq damý qorytyndylary týraly baıandady. Sonymen qatar, osy óńirdi odan ári ındýstrııalandyrýǵa baǵyttalǵan iri ınvestıtsııalyq jobalardyń júzege asyrylý barysynan da habardar etti. Bul týraly «Kazahstanskaıa pravda» gazetinen keńirek oqýǵa bolady. Atalmysh basylym sondaı-aq Prezıdenttiń baspasóz qyzmetine silteı otyryp, Elbasy jarlyǵymen Qanat Bozymbaevtyń Jambyl oblysynyń ákimi qyzmetine taǵaıyndalǵanyn da habarlaǵan.
Qazaqstannyń iri bıznesiniń naqty ósiminiń qarqyny reseılik áriptesterine qarǵanda birjarym ese joǵary, dep jazady «Ekspress-K»búgingi nómirinde Astanada ótken «sarapshy -100-Qazaqstan» ekonomıkalyq forýmyna toqtala kelip.
Osy is- sharaǵa «Lıter» basylymy da nazar aýdaryp, oǵan qatysqan Premer-mınıstr K. Másimovtyń Kedendik odaq týraly, onyń otandyq kásiporyndar men kásipkerler úshin qandaı paıda ákeletindigi jóninde áńgimelegenin alǵa tartqan.
Atalǵan forýmnyń barysy týraly «Izvestııa», «Kazahstanskaıa pravda» gazetteri de keńinen jazǵan.
