Kedendik odaqty qurýdy shapshańdatýdyń ózi daǵdarysqa qarsy jasalǵan qadam boldy - Q. Kelimbetov
ACTANA. 26 sáýir. QazAqparat - Kedendik odaqty qurýdy shapshańdatýdyń ózi daǵdarysqa qarsy jasalǵan qadam boldy.
Búgin Astanada HІ Eýrazııalyq medıa forým barysynda QR Premer-Mınıstriniń orynbasary Qaırat Kelimbetov osylaı dedi.
«2007 jyldan beri qaraı salystyrmaly túrde alsaq, Keden odaǵy aıasyndaǵy taýar aınalymynyń ósimi sonshalyqty emes. Alaıda, 2007 jyldan keıin 2008-2009-2010 jyldary barlyq álemde daǵdarystyń asa ótkir fazasy bolǵanyn eske alǵan oryndy. Daǵdarys Kedendik odaq elderin de aınalyp ótken joq. Sondyqtan da, eger biz 2008 jyldyń statıstıkasyn 2009-ben, al ony 2010 jylmen, buny 2011-2012 jylmen salystyrsaq onda ósim shyn máninde 20-23 paıyz deńgeıinde boldy», - dep atap ótti Q. Kelimbetov.
Onyń aıtýynsha, Kedendik odaqty qurýdy shapshańdatýǵa, ıntegratsııanyń odan keıingi formasyna qatysty ıdeıanyń ózi daǵdarystyń nyǵaıǵan tusyndaǵy úsh memleket basshylarynyń kelisimimen jasalǵan. ıAǵnı, bunyń ózi postkeńestik ekonomıkalyq keńistiktiń jahandyq daǵdarysqa qatqan jaýaby boldy.
«Ekinshi másele Prezıdent N. Nazarbaev 1994 jyldyń ózinde KSRO-ǵa baılanysty ózgeristerden keıin-aq osy postkeńestik keńistikte ekonomıkalyq baılanystar saqtalýy tıistigin kótergen bolatyn. Jyldar boıy bir-birimen tehnologııalyq baılanysyp turǵan óndiristi ajyratý qurdymǵa ketýmen birdeı ekeni shynynda da aıqyn edi. Bul ǵana emes, mádenıeti bir, gýmanıtarlyq keńistigi ortaq halyqtar da bir-birinen jyraqtamaýy kerek. Sondyqtan da, 1994 jyldyń ózinde biz úshin Eýropalyq odaq modeli shynaıy bolyp kórindi», - dedi Q. Kelimbetov.
