«Kedendik odaqtaǵy qazaqtyń enshisi - 7 paıyz!» - respýblıkalyq basylymdarǵa sholý

***

«Egemen Qazaqstan» gazetiniń QR Prezıdenti baspasóz qyzmetine silteme jasap habarlaýynsha, Elbasy Nursultan Nazarbaev Ýkraına Prezıdenti Vıktor ıAnýkovıchpen telefon arqyly sóılesti. Ýkraına basshysy QR Prezıdentiniń Qazaqstanǵa resmı saparmen kelýge shaqyrýyn qabyl aldy jáne óz kezeginde Qazaqstan basshysyn Ýkraınaǵa kelýge shaqyrdy.

«Áńgimelesý barysynda taraptar qazaqstan­dyq-ýkraınalyq saýda-ekonomıkalyq qarym-qatynastardyń keshenin qarastyratyn jáne ǵaryshtyq salany qosa alǵanda yntymaqtas­tyqtyń jańa baǵyttaryn aıqyndaıtyn úkimet­aralyq komıssııanyń otyrysyn ótkizý týraly kelisimge qol jetkizdi», dep jazady basylym.

Keshe Ońtústik Qazaqstan oblysyna arnaıy saparmen kelgen Elbasy Nursultan Nazarbaev Kóksaraı sý rettegishi birinshi kezeginiń aıaqtalǵan qurylysyn aralap kórdi. Osyǵan oraı «Egemen Qazaqstan» gazetiniń juma kúngi nómirinde «Kóksaraı el úmitin aqtady» degen taqyryppen maqala basyldy. Onda Elbasynyń «Biz elimiz úshin asa ma­ńyzdy strategııalyq nysannyń qurylysyn iske qosý arqyly kóptegen problemalardy shesh­tik. Atap aıt­qan­da, sý kólemin saqtap qal­­dyq. Tańdaıy kebirsigen Aral­ǵa jaz boıy sý jiberiledi. Ekin­shi­den, Syr jaǵasynda otyr­ǵan aýyldardy tasqyn sý­dan qorǵaý maqsatynda memle­ke­timiz jyl saıyn orasan qara­jat jumsaı­tyn. Sol ábigershilikten qutyl­dyq. Úshinshiden, sýarmaly jer kólemi molaıady. Kóksaraıdyń syıymdylyǵy 3 mlrd. tekshe metr. Sý kóp bolǵan jyldary júz myńdaǵan gektar jerge júgeri egip, mal azyǵyn qamdap alýǵa bolady», degen sózi keltirilgen.

Elbasynyń ońtústik óńirge sapary jaıynda «Aıqyn», «Alash aınasy», «Kazahstanskaıa pravda», «Lıter» basylymdary da egjeı-tegjeıli jazǵan.

«Egemen Qazaqstan» gazetiniń juma kúngi nómirinde «Elimen ete Elbasy» aıdarynda QR Prezıdenti Keńsesiniń bastyǵy Mahmut Qasymbekovtiń «Jan jadyratar jasyn sóz» degen taqyryppen kólemdi maqalasy basyldy. Maqalada Elbasy Nursultan Nazarbaevtyń ómirinde kezdesken qyzyqty epızodtar toptastyrylǵan.

Keshe Parlament Senatynyń Tóraǵasy Qasym-Jomart Toqaev BUU Joǵarǵy komıssary bosqyndar isi jónindegi basqarmasynyń Qazaqstan Respýblıkasyndaǵy ókildiginiń basshysy Saber Azamdy qabyldady», dep jazady «Egemen Qazaqstan» gazeti.

Kezdesý barysynda QR men BUU JKBB arasyndaǵy yntymaqtastyqtyń ózekti máseleleri talqylanǵan. Basylymnyń atap ótýinshe, Q.Toqaev S.Azamdy ústimizdegi jylǵy mamyrda Almatyda «EQYU-nyń eýrazııalyq ólshemi» Transazııalyq parlamenttik jıyny ótetini týraly habardar etip, BUU JKBB ókilderin osy sharaǵa qatysýǵa shaqyrdy. S.Azam BUU JKBB-men yn­ty­maqtastyǵy úshin qazaqstandyq tarapqa alǵys aıtyp, QR men BUU JKBB ara­syndaǵy ekijaqty qarym-qa­tynastardy odan ári belsen­di­rý jaıynda oılaryn bildirdi.

«Kazahstanskaıa pravda» gazeti de osy kezdesýge keńinen toqtala kelip, Senat Tóraǵasy Q.Toqaevtyń «Biz bosqyndarmen jaǵdaıdy turaqtandyrýǵa jáne jaqsartýǵa baǵyttalǵan BUU JKBB qyzme­tin joǵary baǵalaımyz. Bos­qyndar men kóship-qonýshylar qu­qyqtaryn qorǵaý - bizdiń eli­mizdegi basym mindetterdiń biri», degen sózin keltirgen.

***

«Abaı aýylyn sý basty». «Aıqyn» gazetiniń jazýynsha, Shyǵys Qazaqstan oblysyndaǵy Abaı aýdanynyń ortalyǵy Qaraýyl aýylynyń basyndaǵy bógetten asqan jańbyr men erigen qardyń sýy 60 shaqty turǵyn úıdi basyp qalǵan. 200-deı adam qaýipsiz jerge kóshirilgen. Zardap shekkender joq. Elimizdiń shyǵys óńirindegi jaǵdaımen jete tanysqyńyz kelse, basylymnyń búgingi nómirine nazar salyńyz.

«Qazaq eli «Úshtik odaqqa» qosylǵannan uta ma, utyla ma» degen saýal qos shatyrly Parlament qabyrǵasyn áli kezip júr. Ótkende Májilistiń Qarjy jáne bıýdjet komıtetiniń tóraıymy Gúljan Qaraǵusova Kedendik odaqtyń qamyty moıynǵa kıilisimen, qazaqstandyq qazyna 70 mıllıard teńge kedendik túsimnen aıyrylatyndyǵyn málimdegen bolatyn. Al keshe Joǵarǵy palataǵa bas suqqan Úkimetbasy Kárim Másimovten senatorlar osyǵan túsinikteme talap etti», dep jazady «Aıqyn» gazeti. Premer-Mınıstrdiń depýtattarǵa qaıtarǵan jaýabyn egjeı-tegjeıli oqyǵyńyz kelse, basylymnyń búgingi sanynda jaryq kórgen «Kedendik odaqtaǵy qazaqtyń enshisi - 7 paıyz!» atty maqalaǵa nazar salyńyz.

«Aıqyn» gazetiniń dástúrli «Aq sóıle!» aıdarynyń búgingi qonaǵy - QR Ulttyq jaratylystaný ǵylymdary akademııasynyń vıtse-prezıdenti, professor Kárimbek Qurmanálıev. Basylym tilshisiniń saýaldaryna tuşymdy jaýap bergen ol «ana tiliniń qadir-qasıetin túsinbeı, qudiretin tanymaı, shet tilin úırenem deý, jumsartyp aıtqanda, soraqylyqtyń biri kórinisi der edik», depti. «Joǵary oqý oryndary halyqaralyq talaptarǵa jaýap bere alatyn sapaly bilim berý qajettigin myqtap túsinýi kerek» degen taqyryppen jaryq kórgen suhbattyń tolyq nusqasyn basylymnyń juma kúngi nómirinen oqyńyz.

***

Qazaqstandy qorǵaýǵa 70 myń ásker jete me? «Alash aınasy» gazetiniń dástúrli «Oı-kókpar» aıdarynda berilgen osy saýalyna jaýap bergen Májilis depýtaty Ýálıhan Qalıjanuly «elimizdi qorǵaýǵa 70 myń ásker jetkilikti dep tolyq aıta alamyn. Sondaı-aq áskerimizdiń áleýetin de joǵary baǵalaımyn. Qaı jaǵynan bolsyn, zamanaýı talaptarǵa saı daıyndyqtan ótken jáne jabdyqtalǵan áskerimizge tolyq senýge bolady», dese, general-maıor, áskerı sarapshy Ámirbek Tógisov «70 myń ásker elimizdi qorǵaýǵa jetkiliksiz. Jerimizdiń kólemi jóninen álem boıynsha 9-shy orynda turǵanymyz ámbege aıan. Osynsha keń baıtaq jerdi qorǵaý úshin 70 myń áskerdiń kúshi jetpesi anyq. Elimiz Qyrǵyzstan, Ózbekstan, Qytaı, Reseı, Túrikmenstan elderimen shekaralas jatyr. Sondaı-aq aramyzdy teńiz bólip jatqan elder de barshylyq. Osy oraıda shekaraǵa berik bolmasaq, bolmaıdy», depti.

«Sársenbiden beısenbige aýǵan túni dúnıeni dúrliktirgen tasqyn «Shyǵys Qazaqstan oblysynyń Abaı jáne Tarbaǵataı aýdandaryna da jetti. Semeı jáne Óskemen qalasy turǵyndarynda da maza joq», dep jazady «Alash aınasy» gazeti. Nazar salyńyz, maqala «Tarbaǵataıdy - tasqyn, Shyńǵystaýdy sý aldy» degen taqyryppen berilgen.

«Ekspress K» gazetiniń jazýynsha, Almaty oblysynyń Qyzylaǵash aýylyndaǵy qaıǵyly oqıǵany tekserý barysynda jan túrshigerlik faktiler anyqtalýda. Aýyl turǵyndarynyń sózine qaraǵanda, sý qoımasynyń egesi egistik sýǵarý maýsymynda sýdyń 1 tekshemetrin 23 teńgeden satqan. Olardyń aıtýynsha, bir maýsymda ol 200 mıllıonnan astam teńge jınap otyrǵan. Taǵy bir qyzyqty fakt «sý qojaıyny» Taldyqorǵan prokýrory Azamat Bekeevtiń ákesi eken.