Kedendik odaqta Qazaqstan birinshi bolyp memlekettik satyp alýlardyń tolyqqandy «elektrondyq júıesin» engizdi

ASTANA. 1 tamyz. QazAqparat - Kedendik odaq boıynsha Qazaqstan birinshi bolyp memlekettik satyp alýlardyń «elektrondy júıesin» tolyǵymen iske qosty.

Bul týraly búgin Astanada ótken baspasóz máslıhatynda «Elektrondyq kommertsııalar ortalyǵy» JShS Memlekettik satyp alýlar ádistemesi departamentiniń dırektory Qýat Sultan málim etti.

Onyń aıtýynsha, búginde Reseıde memlekettik satyp alýlardyń tek «elektrondy aýktsıony» ǵana jumys isteıdi. «Bizde bolsa, buǵan deıin konkýrs pen baǵalar usynysyna arnalǵan júıe engizildi. Endi, oǵan «elektrondy aýktsıon» da qosylyp otyr. Osylaısha, biz memlekettik satyp alýlardyń «elektrondy júıesin» tolyǵymen iske qostyq», - deıdi Q.Sultan. Al Belarýs «elektrondy aýktsıondy» engizýge daıyndalyp jatyr.

Aıta keteıik, Qazaqstanda «elektrondy aýktsıon»www.goszakup.gov.kz veb-portalynda júrgiziledi.