Kedendik odaqqa múshe úsh eldiń ekonomıkasyndaǵy BEK qurý nátıjesindegi ósim alǵashqy 5 jylda 15-16 paıyzdyq deńgeıde boljanýda
ASTANA. 10 jeltoqsan. QazAqparat /Marlan Jıembaı/ - Biryńǵaı ekonomıkalyq keńistik qurǵannan keıin Qazaqstan, Reseı jáne Belarýs ekonomıkasyndaǵy ósim alǵashqy 5 jylda 15-16 paıyzdyq deńgeıde bolatyndyǵy boljanýda.
Bul týraly «Biryńǵaı ekonomkalyq keńistik. Qurylý máseleleri men bolashaq» atty taqyrypta ótken Máskeý-Astana beınekópiri barysynda EýrAzEQ saýda saıasaty departamentiniń dırektory Vladımır Chýshkın málim etti.
BEK qurý nátıjesinde qatysýshy elderdegi halyq kirisi ortasha eseppen alǵanda 6-7 paıyzǵa ósetindigin atap ótken ol: «5-6 jyldyq kezeńdegi ekonomıkalyq ósimdegi ústeme yqpaldasý tetikterimen ǵana JІÓ-de plıýs 15-16 paıyz bolady dep boljanýda», - dedi.
Sondaı-aq V.Chýshkınniń atap ótýinshe, yqpaldasýdyń jańa deńgeıi BEK elderindegi tehnologııalar aǵyny máselelerin retteýge múmkindik berýmen qatar nesıelik resýrstardyń arzandanýyna ınvestıtsııalyq áleýettiń kúsheıýine yqpal etpek.
