Kedendik odaqqa múshe elderden salyq tólemeı taýar tasymaldaǵandardy anyqtaý jumystary júrgizilýde

ALMATY. QazAqparat - Almaty qalasy boıynsha Salyq departamenti QR Avıatsııalyq prokýratýrasymen birelese otyryp, Kedendik odaqqa múshe elderden taýar tasyǵan, biraq salyq tólemegen tulǵalardy anyqtaý jumystaryn júrgizýde, dep habarlaıdy atalmysh vedomstvonyń baspasóz qyzmetinen.

Osy jumystardyń nátıjesinde ústimizdegi jyldyń basynan beri kúni búginge deıin 16 salyq tóleýshi anyqtalyp, bıýdjetke 15,4 mln. teńge tólendi. Oǵan qosa, atalǵan salyq tóleýshiler 1,1 mln. teńgege ákimshilik jaýapqa tartyldy. Salyq zańnamasyna sáıkes, Kedendik odaqqa múshe elderden taýar tasymaldaıtyndar mindetti túrde salyq eseptemesin tapsyryp, taýar ákelgen aıdan keıingi aıdyń 20-juldyzyna deıin salyq tóleýleri tıis. Qazir osy baǵytta jumystar júrgizilýde.