Kedendik odaqqa kirý qarsańynda Qazaqstannyń kólik qurastyrý salasyn damytýdyń naqty baǵyttary aıqyndalǵan - QR Kólik qurastyrýshylary odaǵy
Bul týraly búgin Úkimet úıinde ótken keńes barysynda Kólik qurastyrýshylar odaǵynyń tóraǵasy Meıram Pishimbaev málim etti, dep habarlaıdy QazAqparat.
Onyń aıtýynsha, elimizdiń ındýstrııalyq-ınnovatsııalyq damý baǵdarlamasy aıasynda otandyq kólik qurastyrý salasynyń naqty birneshe baǵytyn damytý josparlanǵan. Olar - munaıgaz, kólik, taý-ken, metallýrgııa jáne aýyl sharýashylyǵy salasyndaǵy kólik qurastyrý, san-alýan qural-jabdyqtar men qorǵanys óndirisi. «Búgingi tańda osy baǵyttarǵa erekshe basymdyq berilýde. Sebebi, Kedendik odaq aıasynda osy salalardy kóterý arqyly óndiris oshaqtarynyń básekege qabilettiligin qamtamasyz etýge bolady», dedi M. Pishimbaev.
Odaq tóraǵasynyń sózine qaraǵanda otandyq kólik qurastyrý salasynyń negizgi baǵyty temirjol bolmaq. «Osy jáne joǵaryda atalǵan salalarǵa naqty memlekettik kómek kórsetý qarastyrylǵan», dep atap kórsetti M. Pishimbaev.
