Kedendik odaqqa qatysýshy elderdiń memlekettik satyp alýynyń basym bóligi elektrondyq pishimde ótedi
ASTANA. 14 mamyr. QazAqparat/Aınur Kenebaeva/ - 2012 jyldyń ekinshi jarty jyldyǵynan bastap Kedendik odaqqa qatysýshy elderdiń memlekettik satyp alýynyń basym bóligi elektrondyq pishimde ótedi - bul týraly búgin «Elektrondyq kommertsııa ortalyǵy» mamandarynyń uıymdastyrýymen ótken jýrnalısterge arnalǵan semınarda málim boldy.
Elektrondyq pishimde memlekettik satylymdardy júzege asyrý keńistigin www.goszakup.gov.kz veb-portaly qamtamasyz etedi. «Elektrondyq kommertsııa ortalyǵy» JShS mamandarynyń sońǵy málimetteri boıynsha, 92 myń portal qyzmetin paıdalanýshy tirkelgen. Sońǵy aıda veb-portalǵa kirip, qyzyǵýshylyq tanytqandardyń sany 1,9 mln. adamdy quraǵan. Olardyń basym kópshiligi - qazaqstandyqtar.
Sonymen qatar elektrondyq memlekettik satyp alý portalyna Kedendik odaqqa múshe memleketterdiń kásipkerleri de úlken qyzyǵýshylyq tanytýda. Aǵymdaǵy jyldyń naýryz aıynda tirkelgen kórsetkishke sáıkes, veb-portal qyzmetin 53 myń orys jáne 5,8 myń ýkraın kásipkerleri paıdalanǵan. Sondaı-aq Qytaı, AQSh, Germanııa, Moldova jáne Ázerbaıjan elderi de qyzyǵýshylyq bildirgen.
Ortalyq mamandarynyń aıtýynsha, shet eldik jabdyqtaýshylar atalmysh portaldy jergilikti tutyný naryǵyn zertteý men oǵan monıtorıng júrgizý úshin paıdalanady.
