Kedendik odaq komıssııasy aıasynda eksperttik keńes qurylady

Bul týraly búgin Úkimet basshysy Kárim Másimovtiń qatysýymen ótip jatqan «Biryńǵaı ekonomıkalyq keńistik: Qazaqstan úshin jańa múmkindikter» atty dóńgelek ústel barysynda Premer-Mınıstrdiń birinshi orynbasary Ómirzaq Shókeev málim etti.

«Keden odaǵynyń joǵary organy Kedendik odaq komıssııasy aıasynda eksperttik keńes qurylady. Bul jaıynda áriptesterimizben kelistik»,- dedi ol.

Ó. Shókeevtiń aıtýynsha, keńes quziretine KO quqyqtyq kelisimderi bazasyndaǵy sheshimderdiń sáıkestigi jónindegi máseleler boıynsha sharýashylyq sýbektileriniń ótinishterin qarastyrý kiredi. Bul oraıda ol bıznes-qaýymdastyq ókilderin atalǵan keńeske múshe retinde usyna alatyndyqtaryn atap ótti.

Kedendik odaqtyń qańtardyń 1-inen bastap úsh el arasynda «shynaıy iske» qosylǵanyn basa aıtqan Ó. Shókeev: «9 aıdyń qorytyndysy boıynsha qazaqstandyq ónimniń Reseı Federatsııasyna eksporty shıkizat, óńdeý taýarlary esebinen 48 paıyzǵa artty. Al Belarýsqa munaı ónimderi, allıýmınıı esebinen eki esege ósti»,- dedi.