Kedendik odaq qazaqstandyq mashına óndirisiniń damýyna úlken múmkindik beredi- J. Aıtjanova

Búgin QR Parlamenti Májilisinde «Keden odaǵyndaǵy salyqty jáne kedendik ákimshilendirý týraly» taqyrypta ótken Úkimet saǵatynda QR Indýstrııa jáne saýda vıtse-mınıstri Janar Aıtjanova osylaı málim etti, dep habarlaıdy QazAqparat.

«Keden odaǵy aıasynda avtokólikterge qatysty kelissóz uzaq ýaqyt órbidi. Bul rette tek qazaqstandyq tarap qana emes, buǵan deıin salyǵy tómen bolyp kelgen Belarýs ta bajdy kótertpeýge tyrysyp baqty. Jalpy aıtqanda, bizde kedendik tarıf engenge deıin 10 paıyzdyq baj bolǵan bolsa, sonymen bir mezgilde reseılik bajben salystyrǵanda aıyrmashylyq 20-25 paıyzdy quraıtyn edi. Sonyń ózinde kólikterge qatysty sońǵy baǵany salystyryp qarasaq, jańa avtokólikter men ustalǵan avtokólikter arasyndaǵy aıyrmashylyq nebári 5-7 paıyzdy quraǵan edi. ıAǵnı, bul baj tutynýshy úshin sonshalyqty sezilmeıtin. Sonymen birge, RF úshin kólikterge 30-35 paıyzdyq baj salyǵyn engizý - bul daǵdarysqa qarsy shara bolyp tabylady. ıAǵnı, daǵdarys kezeńinde Reseıdiń «Avtopromy» basym sektor retinde qarastyrylǵan. Sondaı-aq Qazaqstanda da «Azııa-avto» kásiporny qyzmet etetini belgili. Sondyqtan da, Reseıdiń 19 kásiporny men «Azııa-avto» kólikteri kedendik bajsyz-aq bir-biriniń naryǵyna kire alady», dedi J. Aıtjanova.

Onyń aıtýynsha, búgingi kúni reseılik tarappen avtokólikterge qatysty kelissózder jalǵasyp otyr. Ol boıynsha, daǵdarysqa deıingi kedendik baj stavkasyna sáıkestendirý týraly sharalar da qarastyrylý ústinde. «Jalpy, Kedendik odaq qazaqstandyq mashına óndirisiniń keńinen qanat jaıyp, damýyna úlken múmkindik beredi. Árıne, avtokólikter qazirgi kúni eń «názik» máselege aınalyp otyrǵany ras. Degenmen de, Kedendik odaq aıasynda uzaq merzimdi perspektıvada bul salanyń tıimdiliginiń artýyna múmkindik barshylyq. Al búgingi kúni oryn alyp otyrǵan jaǵdaıdy ýaqytsha qıyndyq kezeńi dep qarastyrǵan oryndy», dedi J. Aıtjanova.