Kedendik Odaq elimizdiń óndiris salasyn damytýdyń tıimdi múmkindigi - A.Evnıev
áýirdiń 23-i. QazAqparat /Aıdar Ospanalıev/ - «Búginde Qazaqstannyń Reseı men Belarýstan ımporttaıtyn taýarlar kólemi olarǵa eksporttaıtyn taýarlardan áldeqaıda kóp. Alaıda úsh memleket arasynda qurylǵan Kedendik Odaqtyń arqasynda shekara arqyly ótetin taýarlarǵa degen kedergiler birshama joıylyp, eksportty keńeıtýge jol ashylady.
Sóıtip, biz ımport pen eksport arasyndaǵy tepe-teńdikti qalyptastyramyz», dedi búgin Aýyl sharýashylyǵy vıtse-mınıstri Arman Evnıev Bnews.kz portaly stýdııasynda ótken ınternet-konferentsııa barysynda, dep habarlaıdy QazAqparat.
Onyń arnaıy júrgizilgen taldaý jumystarynyń qorytyndylaryna súıene otyryp keltirgen málimetterine qaraǵanda, Qazaqstan jańa soıylǵan maldyń etin qansha óndiretin bolsa, sonshalyqty kólemde tutynady. Eger bizde Kedendik Odaq sııaqty jańa naryq ashylmaǵanda, bizge báribir bul máseleni sheshý qajet bolatyn edi. «Elde ónim óndirý isi aldaǵy ýaqytta sóz joq arta beredi. Al osy ónimdi biz qaıda ótkizemiz. Ol úshin bizge eldegiden basqa qosymsha tutynýshylar, ıaǵnı naryq qajet bolatyn edi. Ol úshin bálkim basqa bir eldermen kelisimder jasaıtyn edik nemese taǵy basqa joldar qarastyratyn edik. Al Kedendik Odaq tutynýshysy zor naryq. Ol aldaǵy ýaqytta elimizdiń óndiris salasyn alǵa jeteleıtin utymdy shara bolady», dedi vıtse-mınıstr.
