Kedendik odaq elderiniń agroónerkásiptik keshenin damytýdy ǵylymmen qamtamasyz etý taqyrybynda konferentsııa ótýde
ASTANA. Sáýirdiń 8-i. QazAqparat /Qanat Mámetqazyuly/ - Búgin QR Aýyl sharýashylyǵy mınıstrliginde «Kedendik odaq elderiniń agroónerkásiptik keshenin damytýdy ǵylymmen qamtamasyz etý» atty halyqaralyq ǵylymı-tájirıbelik konferentsııa bastaldy.
Eki kúnge jalǵasatyn konferentsııany «QazAgroInnovatsııa» AQ, Reseı Federatsııasynyń Aýyl sharýashylyǵy akademııasy, sondaı-aq Belarýs Respýblıkasynyń Ulttyq ǵylym akademııasy birlesip uıymdastyrýda, dep habarlaıdy QazAqparat.
Konferentsııanyń negizgi maqsaty - Kedendik odaq aıasyndaǵy úsh memlekettiń aýyl sharýashylyǵy ǵylymdarynyń birigip, ózara baılanysta nyǵaıýyna, jan-jaqty tıimdi qatynastardy kúsheıtýge járdemdesý bolyp tabylady. Sondaı-aq, úsh eldiń agroónerkásip kesheniniń áleýetin kóterý úshin jańa yqpaldastyq jaǵdaıda agroónerkásip keshenin turaqty jetildirý sharalaryn qoldaý qarastyrylady. Bul rette atalǵan biregeı keńistik aıasynda el ekonomıkasynyń, onyń ishinde agrarlyq salanyń básekege qabilettiligin arttyrý sharalary talqylanady.
Jıyndy ashyp sóz sóılegen QR Aýyl sharýashylyǵy mınıstri Aqylbek Kúrishbaev Qazaqstan, Reseı men Belarýs elderi Kedendik odaqty qura otyryp, jańa da mańyzdy kezeńge qadam basqanyn atap ótti. Onyń aıtýynsha, Kedendik odaq ǵylymı baılanystardy, agroónerkásip keshenindegi tıimdi ǵylymı yntymaqtastyqty jańǵyrtýǵa dem beredi.
Toqtala ketetin jaıt, Kedendik odaq memleketteri úshin agrarlyq salaǵa ınvestıtsııa tartý deńgeıin kóterý asa mańyzdy sharalardyń biri bolyp otyr. Qazirgi tańda úsh memlekettiń aýyl sharýashylyǵy óndirisiniń jıyntyq kólemi 112 mlrd. dollardy quraıdy. Bul rette, mamandar Qazaqstan, Reseı jáne Belarýs ekonomıkalyq odaǵy nátıjesinde 2015 jylǵa qaraı jalpy ishki ónimniń ósimin 15 paıyzdan astam mólsherde kóteretindigi týraly boljam jasaǵan bolatyn.
Konferentsııa jumysyna Qazaqstan, Reseı, Belarýs memleketteriniń múddeli mınıstrlikteri men vedomstvolarynyń ókilderi, agrarlyq ǵylymnyń, joǵary bilim berý salasynyń bilikti mamandary, sondaı-aq agroónerkásip kesheni sýbektileri men qoǵamdyq birlestikteriniń kórnekti ǵalymdary qatysyp otyr.
